Fakaaoga Fakamitaki e tau Laupepa Fakailoa
1 Ko e tau laupepa fakailoa he fakapotopotoaga kua aoga lahi he fakailoa atu ke he tau tagata he maaga e matakavi he Fale he Kautu mo e magaaho tonu he tau feleveiaaga. Kua lata ke toka e taha mo e tau tagata oti ne matutaki mo koe. Kuenaia, kua lata ke igatia e tau fakapotopotoaga ke fakatoka fakalahi e tau laupepa fakailoa he tokaaga. Ma e tau fakapotopotoaga ne fa hiki e tau magaaho feleveiaaga he tau, ia Ianuari, kua lata e tau laupepa fakailoa fou ke ota ia Novema he tau fakamua he tau tau oti mo e tau magaaho tupu fou he feleveiaaga ke maeke ke fai tumau ke he tokaaga. Ko e lau Handbill Request ka lata ke fakaaoga ma e gahua nei. Kaeke kua moua e koe, to maeke fefe e tau laupepa fakailoa ke fakaaoga ke he puhala mitaki?
2 Tokologa e tau tagata fakailoa ne kitia ka foaki age taha ke he taha tagata ko e puhala aoga mitaki a ia ke fakafeleveia atu a lautolu mo e kamata e tau fakatutalaaga. Ke fakaata e puhala ke fakatutala hagaao ke he gahua ha tautolu mo e fakaaogaaga ki ai, tuhi age e setulu he feleveiaaga po ke he fekau he taha fahi. Maeke he tau mamatua ke putoia e fanau ikiiki ha lautolu he fekafekauaga ke age ki a lautolu e laupepa fakailoa ke foaki he gutuhala. Ko e tau tagata fakailoa ne fa fakamatala he tohitohi kua lata ke fakahu e laupepa fakailoa i loto he fagatohi ha lautolu mo e uiina e tagata ke hau ke he tau feleveiaaga. Po ke liga ni toka e tau laupepa fakailoa ka nakai ha ha i ai he tau kaina, ka e taute fakamitaki he tuku ai ki lalo he gutuhala ke nakai maeke ai ke kitia.
3 Kua aoga lahi e tau laupepa fakailoa ke takitaki e tau tagata lotomoli ke he kupu moli. Taha e tala ne talahau he taha fifine ne, fakaaue ke he taha laupepa fakailoa, kua maeke ke fakamoli hana a manako lahi he moui ke maama e Tohi Tapu. Kua taha e po ne liogi fakamakamaka a ia ke he Atua, he pogipogi hake ne fakatagi he hoa tokoua Fakamoli e logo he gutuhala hana. Mataono atu he tama pu he gutuhala hana, ne ui atu a ia kua nakai maeke a ia ke afagi e gutuhala. Ne popoka ai he Tau Fakamoli e laupepa fakailoa i lalo he gutuhala. Ne totou: “Iloa Hau a Tohi Tapu.” Kua kitia e ia ti veveu e gutuhala. Kua kamata agataha e fakaakoaga, mo e kua papatiso he fakahikuaga. Aua ai neke fakateaga e malolo he agaga he Atua, kia fakaaoga fakamitaki tumau e tau laupepa fakailoa he fakakatoatoa oti e fekafekauaga ha tautolu.—Kikite foki e lau 1 he Our Kingdom Ministry, Fepuari 1994.