Fakaaoga Nakai e Koe e Tau Laupepa Fakailoa?

He taha aho ne moua he tama tane 11 e tau he moui e laupepa fakailoa ne fakailoa e fakatutalaaga ke he tau tagata oti e matakupu he helo. “Ne manako lahi au ke iloa e mena nei,” he talahau fakamui e ia, “he tuga kua taute tumau e au e tau mena hepe, ti tupetupe lahi au neke fano au ke he afi helo ka mate.” Ne fakalataha atu a ia ke he fakatutalaaga, mo e kavi ke he taha e tau he mole, he oti e tau fakaakoaga loga he Tohi Tapu, ne papatiso a ia. Ati kamata agataha e feua faka-Kerisiano ha Karl Klein, ne fekafekau fakamui ke he tau tau loga ko e taha he Kau Fakatufono he Tau Fakamoli a Iehova. Kua kamata ai ha ko e laupepa fakailoa.

Ko e tau laupepa fakailoa kua eke mo kanavaakau fakamatala lauia mitaki he vaha nei. Tokologa e tagata fakailoa ne mailoga he age taha ke he tagata ko e puhala mitaki ke fakafeleveia aki a lautolu mo e kamata e tau fakatutalaaga. Maeke he tau matua ke fakalataha e fanau ikiiki ha lautolu ke he fekafekauaga he fekau a lautolu ke foaki e lautohi fakailoa he gutuhala. Ko e tau tagata fakailoa ne fakamatala ke he tohitohi kua lata ke fakailoa e tau feleveiaaga he tuku e laupepa fakailoa i loto he tohi. Ti, moli, ko e tau laupepa fakailoa ko e puhala mukamuka ke uiina e tau tagata fakaako Tohi Tapu mo e falu ne fiafia ke o mai ke he tau feleveiaaga ha tautolu.

Kua fakaaoga fakamitaki nakai e koe e tau laupepa fakailoa he fekafekauaga hau?