Liu Fakamanatu he Aoga Fekafekau Fakateokarasi
Ko e tau huhu i lalo ka fakatutala he Aoga Fekafekau Fakateokarasi he fahi tapu ka kamata ia Aokuso 29, 2005. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau fahi tapu ia Iulai 4 ki a Aokuso 29, 2005. [Mailoga: Ka nakai fai fakamoliaga talitua e matahiku he huhu, kua lata ke taute ni e koe e kumikumi fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Magaaho ka talahau e amaamanakiaga ha tautolu ke he falu, maeke fefe ia tautolu ke ‘loto mitaki ke he tau tagata oti kana,’ ti ko e ha ne aoga e mena nei? (Filipi 4:5; Iako. 3:17) [be lau 251 para. 1-3, puha]
2. Maeke fefe he iloa e magaaho ke fakamanou hifo, ke lagomatai a tautolu ke kautu he fehagai mo e falu? [be lau 253 para. 1-2]
3. Ko e ha kua aoga ke fakaaoga fakailoilo e tau huhu ka lagomatai e tautolu e falu ke manamanatu ke he matakupu? [be lau 253 para. 3-4]
4. Ko e heigoa e tau puhala ne kua lata ke manamanatu ki ai ke taute e fakataitaiaga fakaohooho? [be lau 255 para. 1-4, puha; lau 256 para. 1, puha]
5. Ko e heigoa kua lata ia tautolu ke manatu kaeke fakaaoga e tautolu e fakamoliaga mai he tau tohi noa ke lalago aki e tonutika he tau Tohiaga Tapu? [be lau 256 para. 3-5, puha]
KOTOFAAGA NU. 1
6. Ko e heigoa e fakamoliaga maaliali ne fakamoli kua mai a Iesu he fakamauaga tuai? [w03-E 6/15 lau 4-7]
7. Maeke fefe he ‘gutu he tau tagata mahani hakohako ke laveaki a lautolu,’ mo e maeke fefe e fale he tagata tututonu ke “tumau”? (Fakatai 12:6, 7) [w03-E 1/15 lau 30 para. 1-3]
8. Ha kua nakai fai tohi pauaki ne tohia i loto he Tohi Tapu ke he tau mena ka taute mo e nakai taute, kua maeke fefe ia tautolu ke ‘iloa e finagalo a Iehova’? (Efeso 5:17) [w03-E 12/1 lau 21 para. 3–lau 22 para. 3]
9. Ko e heigoa e tau matapatu fakaakoaga ne fakagahuahua ka lagomatai e taha ke fahia ke he mativa po ke tau tutuaga fakatupe kelea? [w03 8/1 lau 5 para. 2-5]
10. Kua lata ke lauia fefe a tautolu he fakafifitakiaga a Iehova he foaki noa? (Mata. 10:8) [w03-E 8/1 lau 20-2]
TOTOUAGA HE TOHI TAPU FAKAFAHI TAPU
11. Ko e heigoa e kakano he tau pou ua ne fakahigoa ko Iakina mo Poasa he gutuhala ke he faituga ne ta e Solomona? (1 Patu. 7:15-22)
12. Kua fakalautatai kia e mena fakaalofa ha Solomona ko e 20 e maga he motu ko Kalilaia ke he Patuiki ko Hairamo ha Turo mo e Fakatufono ha Mose? (1 Patu. 9:10)
13. Ko e heigoa e fakaakoaga ka ako e tautolu mai he nakai omaoma he “tagata he Atua”? (1 Patu. 13:1-25)
14. Ko e puhala fe ne fakakite he Patuiki ko Asa ha Iuta e fakamalolo hana, mo e heigoa ka ako e tautolu mai he hana fakafifitakiaga? (1 Patu. 15:11-13)
15. Fakakite fefe he mena ne tupu ke he Patuiki ko Ahapo mo Napota e hagahagakelea he momoko ki a ia ni? (1 Patu. 21:1-16)