Tau Fakailoaaga

◼ Tau tohi foaki ma Ianuari: Ko e Kupu Mooli ke Takitaki Atu ai ke he Moui Tukulagi (Ka ai fai: Ha porosua ni faka-Niue.) Fepuari: Ko e Mena Galo he Fiafia he Magafaoa. Mati: Iloilo ne Takitaki Atu ke he Moui Tukulagi. Kia mua atu e laliaga ke kamata e tau fakaakoaga Tohi Tapu he kaina. Aperila: Tau lagaki takitaha he Kolo Toko mo e Awake! Toka kehe e porosua Manako ma lautolu ne fiafia, mo e lali fakalahi ke kamata e tau fakaakoaga Tohi Tapu he kaina.

◼ Ko e tau tagata fakailoa oti ne papatiso ha ha i ai he Feleveiaaga Fekafekau he vahatapu ia Ianuari 31 ke moua e lau Advance Medical Directive/​Release mo e Identity Card ma e tau fanau ha lautolu.

◼ Ke kamata ia Fepuari, ka e nakai molea atu ia Mati 5, ko e lauga fou he tau leveki takaiaga ne fakahigoa “Ko Amaketo Moli​—Ko e Ha? He Magaaho Fe?”

◼ Lata e tau fakapotopotoaga ke taute e tau fakatokatokaaga he Fakamanatuaga he tau nei ke he Aho Lotu, Aperila 19, he to e la. Ha ko e magaaho uho a ia, kia fifili he tau motua e taha motua ne kua latatonu ke lauga he Fakamanatuaga ka e aua hikihiki noa po ke fakaaoga e matakainaga taha mai he tau tau takitaha. Ato hiki ni ka fai motua ne fakauku ka maeke ke taute e lauga. Pete kua kamata tuai e lauga, kia nakai lata ke kamata ato to e la ke fakahoko e tau mena fakatai he Fakamanatuaga. Fakatonu ke he tau fakailoaaga he matakavi hau ke he magaaho moli ka to e la. Pete kua mitaki ke igatia e tau fakapotopotoaga ke taute hana Fakamanatuaga, nakai mukamuka tumau e mena nei. Kaeke kua loga e tau fakapotopotoaga ne fakaaoga e Fale he Kautu, ligaliga maeke nakai he taha ke kumi taha fale foki ma e po ia. Kia lata he tau motua ke manamanatu ke he tau fakatokaaga hagaao ke he tau motoka mo e tau mena ke paaka ai. Ka maeke, ati fakata 40 e minuti ka oti e fakaholoaga ke fakafeleveia atu kia lautolu kua o mai, mo e fakamafana age a lautolu ne fou.

◼ To kamata e lauga pauaki he Aho Tapu, Aperila 16, he vaha he Fakamanatuaga 2000. Ko e matapatu he lauga “Ko e Ha Kua Lata e Lukutoto mo e Tau Tagata.” To fakatoka atu e lauga. Ko e tau fakapotopotoaga ia ka ahi he leveki takaiaga, ka fai toloaga he takaiaga, po ke aho toloaga pauaki he matahiku he fahi tapu ia to taute e lauga pauaki he tapu hake. Kia nakai fai fakapotopotoaga ke kamata e lauga pauaki ato hoko a Aperila 16, 2000.

◼ Tau Tohi Fou kua Moua:

Korea: New World Translation of the Holy Scriptures