Setulu he Tau Feleveiaaga Fekafekau
Fahi Tapu Kamata ia Ianuari 10
Lologo 107
10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu.
15 min: “Fakailoa Atu e Higoa a Iehova ke he Lalolagi Oti.” Vala fetaliaki. Lafi foki e tau manatu mai he tohi Our Ministry, lau 93-4.
20 minu: Puhala ke Lagomatai e Falu ke Mailoga e Lotu Moli. Fakatutala e fekafekau lagomatai ne kotofa mo e ua po ke tolu e tau tagata fakamatala ke he puhala ne nava ai e tau tagata he Tau Fakamoli a Iehova ka e nakai mahino mitaki e kehekeheaga he tau lotu kehe mo e ha tautolu. Liu fatiaki mai e tau manatu hogofulu he lau 20 he Me 8, 1995, Awake! Fakamaama kua lata fefe e tau mena nei ke lagomatai e tagata loto mitaki ke kitia maali e tapuakiaga moli mai he nakai moli ti manako ke ako mo e tau tagata a Iehova mo e feoaki mo tautolu.
Lologo 155 mo e liogi fakaoti.
Fahi Tapu Kamata ia Ianuari 17
Lologo 12
10 minu: Tau fakailoaaga he matakavi. Fakailoa he tupe.
15 min: Puha Huhu. Tutala tokoua e tau motua he aogaaga he tau lautohi Health-Care Directive mo e he Enduring Power of Attorney, ne fakafano atu he Sosaiete ke he fakapotopotoaga ia Tesemo 1999. Fakaaoga e fakailoaaga mai he tohi ia Tesemo 20, 1999 ke he fakatonuaga he tau huhu mo e tau tali ne fakahu fakalataha mo e tau lautohi. Fakaaoga e tau mataulu tala, e falu he tau huhu mo e tau tali, pihia mo e tohi he tau matahigoa ne fakalataha mo e fakatonuaga he tau huhu mo e tau tali. (Kia lata e kau he tau motua ke muitua ke he tau poakiaga he tohi ia he Sosaiete hagaao ke he foakiaga he tau lagaki nai ke he tau tagata fakamatala.)
20 minu: “Fakaaoga e Tau Tuleke ke Kamata e Tau Tutalaaga.” Liu fatiaki mai fa he tau tuleke ne fa fakaaoga he fonua. Ati hake taha huhu ne toka i ai e tau tali mai he tau tuleke takitaha ia. Uiina e faoa ne fanogonogo ke talahau e puhala ne lata ke fakaaoga e huhu ke kamata e tutalaaga ti holo atu ke kamata e fakaakoaga he Tohi Tapu. Fakatata e puhala ke taute ke he tau tuleke ua nei.
Lologo 57 mo e liogi fakaoti.
Fahi Tapu Kamata ia Ianuari 24
Lologo 110
10 minu: Tau fakailoaaga he matakavi mo e tau talahauaga mai he fonua.
17 minu: “Kia Manamanatu ke he Kupu a Iehova he Tau Aho Oti!” Lauga ti fakatutala auloa. Fakamafana oti ke fakaaoga fakamitaki e Examining the Scriptures Daily—2000. Lafi mai e vala ki mua, he lau 3-4. Uiina e tau tagata fakamatala ke talahau mai e puhala ne makau a lautolu ke totou e matakupu mo e hana tau manatu ke he tau aho oti.
18 minu: Tau mena kua lata mo e fakapotopotoaga.
Lologo 157 mo e liogi fakaoti.
Fahi Tapu Kamata ia Ianuari 31
Lologo 16
12 minu: Tau fakailoaaga he matakavi. Fakamanatu oti ke tuku e tau hokotaki he fekafekauaga ma Ianuari. Totoku e tau tohi ke foaki ma Fepuari: ko e tohi Fiafia he Magafaoa. Fakaaoga e tohi ke fakatata e puhala ke fakatutala aki e tagata mai he tolu e tau huhu he puha he lau 12.
13 minu: Ko e Tali ke he Huhu Hagaao ai e ‘Fakamailoga.’ Lauga mai he motua, ne fakave ke he Iulai 15, 1999, Watchtower, lau 29-31.
20 minu: Taute e Fifiliaga Matafakatufono ma e Levekiaga he Malolo Tino ne Nakai Fakaaoga Toto. (Gahua 15:28, 29) Lauga mai he motua ne kotofa, ne fakave ke he fakatonuaga ne ha i ai e tau huhu mo e tau tali ne fakalataha mo e tau lautohi he Sosaiete ko e Health-Care Directive, mo e he Enduring Power of Attorney pihia mo e tohi ne fakahigoa ko e “Fakailoaaga he Sosaiete ke he tau lautohi Health-Care Directive mo e Enduring Power of Attorney,” ne fakamau tokoua ia Novema 1999. He oti e feleveiaaga nei, to moua he Tau Fakamoli papatiso e lau fou he Advance Medical Directive/Release, mo lautolu ne fai tama ikiiki ne nakala papatiso kia lata ke moua e Identity Card ma e tau tama takitaha. Aua neke fakapuke e tau lau nei he po nei. Kia fakapuke fakatekiteki i kaina ka e AUA fakamailoga. Ko e fakamailogaaga, fakamoli, mo e fakamauaga he tau lau oti to taute ka oti e Fakaakoaga Tohi he Fakapotopotoaga he tapu ka hau, ke lagomatai aki he takitaki he fakaakoaga tohi. Fakamua to fakamailoga, kikite fakamitaki kua puni e tau lau oti. Ko lautolu ka fakamoli e tau fakamailogaaga kia lata ke mamata e tagata ka fakamailoga e lau. He taofi mai e manatu he lau nei ke talia mo e ha lautolu a tau tuaga mo e tua fakamoli, kua maeke e tau tagata fakamatala ne aila papatiso ke tohia e fakatonuaga ha lautolu ke fakaaoga ma lautolu hoko ni mo e tau fanau ha lautolu. Ko e tau lautohi Health-Care Directive mo e he Enduring Power of Attorney ne taute he Sosaiete ti katoatoa i ai e tau tohi he levekiaga he malolo tino ke foaki atu e levekiaga matafakatufono lahi. Ko e Tau Fakamoli ne nakala fakapuke e tau lautohi nei ka e manako ke taute pihia kia moua mai e tau lagaki he tohikupu he fakapotopotoaga. Lafi atu, kaeke kua fakaaoga e tau lautohi Health-Care Directive mo e he Enduring Power of Attorney, lata ia koe ke tohi i mua he lau Advance Medical Directive/Release, lata ni he matalima hau: “Kua taute foki e au e Health-care Directive mo e Enduring Power of Attorney.” Lata he tau takitaki fakaakoaga tohi ke tohi hifo a lautolu oti he kau hana ke fakamoli kua lagomatai ke fakapuke katoatoa e lau he Advance Medical Directive/Release, mo e tau lautohi Health-Care Directive mo e he Enduring Power of Attorney. Ke mafola mai he tau levekiaga matafakatufono, kia fakapuke e tau vala tolu katoa ia.
Lologo 60 mo e liogi fakaoti.
Fahi Tapu Kamata ia Fepuari 7
Lologo 113
8 minu: Tau fakailoaaga he matakavi.
17 minu: Fatiaki e Tohi Perofetaaga a Tanielu. Lauga ti fakatutala auloa. Liu fatiaki e falu talahauaga he tohi fou: ko e tau mataulu tohi ne fakaofo, tau fakataiaga mahino, tau puha ne ha i ai e tau huhu fakaohooho he matahiku he tau veveheaga oti, tau mepe mo e tau fakafonua ne fakamatafeiga. Fatiaki ke he fakamafanaaga ke he puhala pauaki ka “tu hake” a Mekaeli (Lau 288-90). Fakatutala e aoga he ha tautolu a fakauka he tau faiaoga he Kupu he Atua (Lau 311-12). Kia lata ke totou fakaeneene e tautolu e tohi mo e omoomoi a lautolu ne fiafia mai ke taute pihia.
20 minu: Taute e Lautolu e Fifiliaga Mitaki. Lauga ne fakave ke he Novema 1, 1997, Kolo Toko, lau 14-16, paratafa 3-16. Talahau e tau manatu he tau paionia, fakakite ai kua ha ne logona kua fakaaoga e moui ha lautolu ke he puhala makona loto mo e aoga. Fakamafana oti ne o mai ke liu kitekite ha lautolu a tuaga kua maeke nakai ke paionia.
Lologo 182 mo e liogi fakaoti.