Liu Fakamanatu he Aoga Fekafekau Fakateokarasi
Liu fakamanatu e tau tohi kua fita he taute he tau kotofaaga he Aoga Fekafekau Fakateokarasi he fahi tapu ha Me 1 ke he Aokuso 21, 2000. Fakaaoga e laupepa kehe ke tohi e tau tali he tau huhu loga kua maeke ia koe ke tohi hifo he magaaho kua fakaata.
[Mailoga: Ke he liu fakamanatu, ko e Tohi Tapu ni kua maeke ke fakaaoga. Ko e tau fakamoliaga talitua mai he tau huhu ko e kumikumi fakatagata hau ni a ia. Ko e tau numera he lau mo e paratafa kua nakai kitia oti ai ke he tau fakamoliaga ke he Kolo Toko.]
Tali e tau talahauaga takitaha i lalo Moli po ke Nakai Moli:
1. Kua fakakite he tali ha Kiteona ke he tau kupu ekefakakelea he tau tagata Efaraimo e totonu mo e loto fakatokolalo hana ti kua fakaliutua ai e tau tuhituhi nakai tonu ha lautolu mo e fakatumau e mafola. (Fakafili 8:1-3) [Totouaga he Tohi Tapu fakafahi tapu]
2. Pete ni he talahau e Manoa “kua kitia e taua e Atua,” kua kitia moli e ia mo e hoana hana e peresona fakahokohoko kupu ma e Atua ne fakafaliu tagata, nakai ko Iehova. (Fakafili 13:22) [Totouaga he Tohi Tapu fakafahi tapu; kikite w88 5/15 lau 23 para. 3.]
3. He Tau Fakafili 5:31, kua hagaaki fakaperofeta e tau kupu “ko lautolu kua fakaalofa atu” ke he tau hakega 144,000 he Kautu. [si lau 50 para. 28]
4. Kua nakai fai vala he tohi ha Ruta ne moua he tau Tohivakai he Tahi Mate. [si lau 51 para. 3]
5. Ne hagaaki e Tau Fakafili 21:25 ke he vaha ne tiaki e Iehova e motu a Isaraela mo e nakai fai takitakiaga. [Totouaga he Tohi Tapu fakafahi tapu; kikite w95 7/1 lau 14 para. 16.]
6. Kua fakakite he tau fakatino he tau kerupi i luga he puha he maveheaga e ha ha ai ha Iehova, ne kua talahau ke “haele ke he vaha he tau kerupi.” (1 Samu. 4:4) [Totouaga he Tohi Tapu fakafahi tapu; kikite w80 11/1 lau 29 para. 2.]
7. He magaaho ne kai he tau kautau ha Saulo e toto ha kua velevele ha lautolu a hoge ti nakai fakahala, kua fakakite he mena nei kua liga tonu foki ni ke holitu fakaku e matafakatufono faka-Atua ke moua e moui. (1 Samu. 14:24-35) [Totouaga he Tohi Tapu fakafahi tapu; kikite w94-E 4/15 lau 31 para. 7-9.]
8. Pete ni kua fakatatai he falu tagata e kupu “fakaohooho” ke he fakavaivai mo e iloilo kelea, kua maeke foki ke fakaaoga ke he puhala mitaki ke fakakite aki e manatu he fakamaamaaga tonu mo e ke hiki e manatu he puhala he tau kupu fakakakano mitaki mo e malolo. (2 Timo. 3:14, 15) [w98-E 5/15 lau 21 para. 4]
9. Kua hagaaki e “afi ai he moui” ke he puipuiaga mo e fakamouiaga faka-Atua, ka aoga ai a Tavita kaeke kalo kehe mai a ia he hala i mua he Atua. (1 Samu. 25:29) [Totouaga he Tohi Tapu fakafahi tapu; kikite w91 7/1 lau 26 para. 3.]
10. Ko e maveheaga he Kautu faka-Tavita, ne hagaaki ki ai he 2 Samuela 7:16, kua fakakaupa aki e matohiaga he Tega ne takitaki atu ke he Mesia, ti eke ai foki ke fakamoli fakamatafakatufono to fai tagata he matohiaga ha Tavita ka hau ke pule “tukulagi.” [Totouaga he Tohi Tapu fakafahi tapu; kikite w89 2/1 lau 14 para. 21–lau 15 para. 22.]
Tali e tau huhu i lalo:
11. Ko e heigoa e fakamoliaga ne foaki he Salamo 34:18? [w98-E 4/1 lau 31 para. 2]
12. Ko e heigoa ne fakakite he higoa fakamui ha Iosefa, ko Panapa? (Gahua 4:36) [w98-E 4/15 lau 20 para. 3, matahui tala]
13. Ko e ha ne talahau he fakamauaga he Tohi Tapu, kua mua atu e fakalilifu ha Eli ke he tau tama tane hana ki a Iehova? (1 Samu. 2:12, 22-24, 29) [Totouaga he Tohi Tapu fakafahi tapu; kikite w96 10/1 lau 11 para. 14.]
14. Kua lata he ha e tohi a Ruta ke fakamalolo e tua ha tautolu ke he tau maveheaga he Kautu? [si lau 53 para. 10]
15. Hagaao ke he 1 Samuela 1:1-7, ko e heigoa e fakafifitakiaga mitaki lahi ne fakatoka he magafaoa ha Samuela? [Totouaga he Tohi Tapu fakafahi tapu; kikite w98 3/1 lau 27 para. 12.]
16. Ko e heigoa e kakano he “fakavai he koloa”? (Mata. 13:22) [w98-E 5/15 lau 5 para. 1]
17. Fakakite fefe e Ionatana kua mailoga e ia e tagata fakauku ha Iehova, ko Tavita, ti ko e heigoa ne fakatai he mena nai he vaha nei? (1 Samu. 18:1, 3, 4) [Totouaga he Tohi Tapu fakafahi tapu; kikite w89-E 1/1 lau 24, 26 para. 4, 13.]
18. Pete ni “ko e tagata mahani hakohako mo e mahani tonu” a ia, ne fakakite fefe he tohi ha Iopu kua nakai kakano e mena nei kua mitaki katoatoa a ia? (Iopu 1:8) [w98-E 5/1 lau 31 para. 1]
19. Ko e heigoa e kakano he tau kupu “kia eke taha a mutolu”? (Luka 13:24) [w98-E 6/15 lau 31 para. 1, 4]
20. He fegahuaaki a tautolu, ko e heigoa e fakaakoaga mitaki lahi ke tokaloto, tuga ne fakamau ia 2 Samuela 12:26-28? [Totouaga he Tohi Tapu fakafahi tapu; kikite w93 12/1 lau 26 para. 19.]
Tohi e (tau) kupu po ke talahauaga ne lata ke fakaoti aki e tau talahauaga takitaha i lalo:
21. Ko e fakahala velagia ha Iehova ke he tapuakiaga Paala kua lata ke omoi aki a tautolu ke fakamamao mai he tau mena he vaha fou nei ne tatai ke he ․․․․․․․․, ․․․․․․․․, mo e ․․․․․․․․. (Fakafili 2:11-18) [si lau 50 para. 26]
22. Kua fakaoti he magahala ha Samuela e vaha he ․․․․․․․․ mo e kamata ai e vaha he ․․․․․․․․ ko e magahala fakahiku ka kitia a Isaraela ka to kehe mai he fiafia a Iehova. [si lau 53 para. 1]
23. Ko e kakano he matahigoa faka-Atua, Iehova, “․․․․․․․․” ti kakano kua maeke ia Iehova ke fakamoli ha matagahua ni kua lata ke fakakatoatoa aki hana ․․․․․․․․. [w98-E 5/1 lau 5 para. 3]
24. Ne kaumahala tokoua a Eli mo Saulo ha kua ․․․․․․․․ a Eli ke taute e mena kua lata mo e kua ․․․․․․․․ a Saulo. [si lau 57 para. 27]
25. Ne fakakite he fakatai ha Iesu ke he katofia Samaria, ko e tagata ne tututonu moli ko ia haia ne nakai ni omaoma ke he ․․․․․․․․ he Atua ka kua fifitaki foki e ․․․․․․․․ hana. (Luka 10:29-37) [w98-E 7/1 lau 31 para. 2]
Fifili e tali hako he tau talahauaga takitaha i lalo:
26. Ko e mahani mahuiga he (pulotu; malolo; fakaalofa) ha Iehova kua kitia he fifili e ia e fifine Moapi ko (Ruta; Naomi; Orepa), ko e fifine tapuaki fakamua ki a (Paala; Kemosa; Takono), ne hiki ke he lotu moli ati eke mo tupuna fifine ha Iesu Keriso. (Mata. 1:3, 5, 16) [si lau 51 para. 1]
27. Kua fakaoti e vaha ne pule e tau fakafili i Isaraela he magaaho ne fakauku a (Samuela; Tavita; Saulo) mo patuiki mo e nakai leva ti fakakaumahala e (tau Amoni; tau Moapi; tau Filisitia) ha ko e lagomatai ha Iehova. (1 Samu. 11:6, 11) [Totouaga he Tohi Tapu fakafahi tapu; kikite w95-E 12/15 lau 9 para. 2–lau 10 para. 1.]
28. Ko e (aposetolo ko Paulo; matua tane hana; matua fifine mo e tupuna fifine hana) ne matamua ke fakaako a Timoteo ke he “Tohi Tapu” ati hoko atu a laua ke kitia a ia ne eke mo misionare mo e leveki mitaki lahi. (2 Timo. 3:14, 15; Filipi 2:19-22) [w98 6/1 lau 9 para. 3–lau 9 para. 5]
29. Ko e fekafekauaga ha (Tavita; Samuela; Ionatana) he vaha fuata kua lata ke fakamalolo aki e tau fuata he vaha nei ke matutaki atu ke he fekafekauaga, mo e hana fakatumauaga ke hoko ke he mate, mo e nakai fai okiokiaga, kua lata ke fakamalolo aki a lautolu ne tino lolelole ha ko e motua he tau moui. [si lau 58 para. 30]
30. Ko e vaha ne mau katoatoa ai e 2 Samuela kua mai he (1077 ke he kavi 1040; 1077 ke he kavi 1037; 1070 ke he kavi 1040) F.V.N. [si lau 59 para. 3]
Tuku e tau kupu tohi i lalo ke he tau talahauaga ne tohi i kelekele:
Fakafili 11:30, 31; 1 Samu. 15:22; 30:24, 25; 2 Patu. 6:15-17; Iako. 5:11
31. Ne fakamoli a Iehova to fakaaoga e ia e kau hana he lagi ke puipui e tau tagata hana, ke fakatatau atu ke he hana finagalo. [w98-E 4/15 lau 29 para. 5]
32. Kua ha ha he tau leveki he fakapotopotoaga e matagahua ke fakauka ke he tau fakamoliaga ha lautolu pihia ni ka fakaokaoka mo e fakamamahi he falu magaaho. [w99-E 9/15 lau 10 para. 3-4]
33. Ke fakatumau e fakamoli i lalo he tau kamatamataaga ka takitaki atu ke he palepale lahi mai ia Iehova ko e Atua. [w98-E 5/1 lau 31 para. 4]
34. Ko e fakaalofa moli ke he Atua kua lata ke omaoma ke he tau takitakiaga hana mo e nakai foaki noa e tau poa ki a ia. [Totouaga he Tohi Tapu fakafahi tapu; kikite w96-E 6/15 lau 5 para. 1.]
35. Kua hokulo e fakaaue ha Iehova ma lautolu ne fekafekau ke he tau matagahua ati hake he hana fakatokatokaaga he vaha nei. [Totouaga he Tohi Tapu fakafahi tapu; kikite w86-E 9/1 lau 28 para. 4.]