Puha Huhu

◼ Ko e fakaeneene he ha ka fakamatala he meli?

Ko e fakamatala atu he meli ko e puhala kua tigahau e aoga he folafola e tala mitaki. Ko e tau mena ne nakai la leva e tutupu he lalolagi, ne fakaeneene aki e tau tagata he hafagi e meli foliga kehe. Ko e tau faga tohi mai he tau punaaga nakai mahino po ke nakai tu e kaina hana ne fakafano mai e tohi kua fa onoono tuaha ki ai, mua atu ka tohi lima mo e matolu. To tiaki he tau tagata e meli pihia ka e nakai hafagi. Puipui fefe e tautolu e mena nei neke tupu?

Ka pihia, kua lata e tohi mo e faga tohi ke lomi. Kua lata e faga tohi ke tu ai e higoa he tagata. Ua tohi i ai ke he “Tagata he Kaina.” Lafi atu, kia fakamau hifo tumau e kaina ka liu fakahu ki ai. Ka nakai manako ke fakakite e kaina hau, tohi e higoa hau mo e kaina he Fale he Kautu. Ua fakahu ai fai higoa e tau tohi. Ua fakaaoga e kaina he la matapatu ofisa.​—Kikite e Puha Huhu he Our Kingdom Ministry ia Novema 1996.

Ko e tau lagomataiaga mo e tohi fakataitai haia i loto he Benefit From Theocratic Ministry School Education, lau 71-3. Ko e tau hatakiaga nei ka lagomatai a tautolu ke fakaaoga fakamitaki e tau tohi ke hokotia e tala mitaki ke he falu.