Liu Fakamanatu he Aoga Fekafekau Fakateokarasi
Ko e tau huhu i lalo ka fakatutala he Aoga Fekafekau Fakateokarasi he fahi tapu ka kamata ia Fepuari 24, 2003. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau fahi tapu ia Ianuari 6 ki a Fepuari 24, 2003. [Mailoga: Ka nakai fai fakamoliaga talitua e matahiku he huhu, kua lata a koe ke taute ni e koe e kumikumi fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Moli po ke Nakai Moli: Ko e kei ke totou fakahako kua lata ke hako he logona, pete he kehe fakatote mai he mena ne tohi. Fakamaama. [be lau 83]
2. Fakapuke e tau Laini Tokanoa: Ke totou fakahako, kua lata e taha ke ․․․․․․․․, ․․․․․․․․, ․․․․․․․․ ti taute ai he totou fakaleo lahi. [be lau 85]
3. Ko e ha kua aoga lahi ke vagahau fakamahino? (1 Kori. 14:8, 9) [be lau 86]
4. Ko e heigoa falu mena ne fakakanau aki e vagahau, mo e ko e heigoa ha tautolu ka taute ke mahino e vagahau? [be lau 87-8]
5. Ko e heigoa falu kupu ne fakaaoga he Aoga Fekafekau Fakateokarasi he tau mahina ua kua mole ne manatu a koe kua lata ke fakaako ke fakaleo fakahako? [be lau 92]
KOTOFAAGA NU. 1
6. Moli po ke Nakai Moli: Maeke e tau mata ha tautolu ke lagomatai a tautolu ke fanogonogo. Fakamaama. [be lau 14]
7. Fakapuke e tau Laini Tokanoa: Ko e ․․․․․․․․, ko e ․․․․․․․․, mo e ․․․․․․․․ kua foaki mai oti faka-Atua ke talahau aki e tula. [si lau 279 para. 7]
8. Fakapuke e tau Laini Tokanoa: He fakaaoga faka-Tohi Tapu, ko e kupu “aho” kua hagaao ke he magaaho ․․․․․․․․ e tula, ․․․․․․․․ e tula, ․․․․․․․․ he tau tau, po ke ․․․․․․․․, kua hagaao e talahauaga ia ke he kakano nukua fakaaoga aki. [si lau 279 para. 8]
9. Maeke fefe e tau fakafifitakiaga ha Hana, Mareko, mo Elia ke lagomatai aki a tautolu ke fahia mai he tau fakaloleloleaga? Fakaaoga fefe e tautolu e tau fakafifitakiaga nai ke lagomatai e falu? [w01 2/1 lau 29-31]
10. Maeke fefe he iloa hagaao ke he tau feua sipote he vaha i tuai ke fakamaama aki e falu kupu he Tohi Tapu? Lauia fefe e tau momoui ha tautolu he tau vala tala nai? [w01-E 1/1 lau 28-31]
TOTOUAGA HE TOHI TAPU FAKAFAHI TAPU
11. Moli po ke Nakai Moli: Ha kua fita e fakatu e Kautu he Atua he lagi he 1914, kua nakai lata ke liogi, “Kia hoko mai hau a kautu.” (Mata. 6:10) Fakamaama. [be lau 279; w96 6/1 lau 31]
12. Moli po ke Nakai Moli: Ko e tau kupu ha Iesu ne fakamau he Mataio 11:24 ne kakano ko lautolu ne tamate e Iehova ke he afi i Sotoma mo Komora to liliu tutu mai. Fakamaama.
13. Fifili e Tali Hako: Ko e fekafekau fakamoli mo e loto matala ne talahau e Iesu he Mataio 24:45-47 (a) ko e Kau Fakatufono he Tau Fakamoli a Iehova; (e) ko e matakau he tau Kerisiano fakauku oti kua ha ha he lalolagi; (i) ko ia ni ko Iesu Keriso. Ko lautolu hane puhala mai e tau mena kai fakaagaga he tau magaaho tonu ke he tau “fekafekau,” kua hukui (a) e lautolu takitokotaha ne fakauku; (e) he tau mamoe kehe; (i) he tau tagata oti ne totou e tau tohi faka-Kerisiano. Ne kotofa he Iki e fekafekau ke leveki hana tau koloa oti kana he tau tau (a) 1914; (e) 33 V.N.; (i) 1919.
14. Fifili e Tali Hako: Ko e kupega ne talahau he fakatai ha Iesu he Mataio 13:47-50 kua putoia ua ai ko e fakapotopotoaga he tau Kerisiano ne fakauku mo e (a) Kautu faka-Mesia he Atua; (e) ha lautolu a tau hoa mamoe kehe; (i) Kerisitenitome.
15. Hagaao ke he tau kupu ha Iesu ne tohi he Mataio 5:24, ko e heigoa hau ka taute kaeke ke mailoga e koe kua fakatupetupe e koe e matakainaga tapuaki? [g96-E 2/8 lau 26-7]