Tau Fakailoaaga

◼ Tohi foaki ma Fepuari: Ko e tohi fou Fakatata Atu ki a Iehova ka fakaaoga. Mati: Fakaaoga e tohi Iloilo, mo e foliaga ke kamata e tau fakaako Tohi Tapu. Aperila mo Me: Tau mekasini Ko e Kolo Toko mo e Awake! Ka moua e tagata fiafia he tau liu ahi atu, lafi e tagata ia ke he fakaholoaga mekasini hau.

◼ Kia tivi he leveki fakapotopotoaga po ke taha ne fifili e ia e tau fakamauaga tupe he fakapotopotoaga ia Mati 1 po ke nakai leva mai he magaaho na. Ka oti e tauteaga nai, ti fakailoa atu ke he fakapotopotoaga ka liu e fakailoaaga tupe ke totou. Totou ha manatu fakaaue ke he tau tupe kua foaki he fakapotopotoaga ke he gahua he lalolagi katoa mo e ke he ha fakaputuaga tupe kua fakatu he fakatokatokaaga.

◼ Kua lata e tohikupu mo e leveki fekafekau ke liu kitekite ke he fekafekauaga he tau paionia mau. Ka uka falu ke moua e tula fafati, kua lata e tau motua ke taute taha fakatokaaga ke foaki e lagomatai. Ma e tau lagomatai, kia liu kikite e tau tohi he tau S-201. Kikite foki e tau paratafa 12-20 he uho he Our Kingdom Ministry ia Aokuso 1986.

◼ To taute e lauga pauaki ma e magahala Fakamanatuaga he 2003 he Aho Tapu ia Aperila 27. Ko e matapatu he lauga “Kua Hoko Mai Kia e Magaaho he Fakafiliaga a Papelonia?” Ko e tau fakapotopotoaga ne ha ha e ahiahi atu he leveki takaiaga, po ke toloaga he matahiku he tapu ia ka taute e lauga pauaki he tapu hake. Nakai lata ha fakapotopotoaga ke taute e lauga pauaki ato hoko a Aperila 27, 2003.

◼ Ha kua fakaoti e ota mekasini fakahu ma e tagata ni, kua aoga lahi ma e tau fakapotopotoaga ke moua ni ka e tufatufa e tau fufuta fou he Ko e Kolo Toko mo e Awake! To fakaata he mena nai e tau tagata fakailoa ke moua ha lautolu a tau lagaki fakatagata ke totou ti mahani mo e tau vala i loto ato foaki e tau mekasini ke he gahua he fonua.