Talahauaga Hagaao ke he Tau Mekasini

The Watchtower June 15

“Ko e falu tagata ne logona hifo ko Iesu e tagata kua mua atu he fakamauaga tuai. Ko e falu ne huhu na moui moli nakai a ia. Manatu nakai a koe na fai aoga e tau mena ne falanaki e tautolu hagaao ki a ia? [Ka oti e tali, totou e Gahua 4:12.] Ko e heigoa e fakamoliaga ne faifano moli a Iesu he lalolagi? Kumikumi he mekasini nei e huhu ia.”

Awake! June 22

“Tokologa e tau tagata ne tupetupe ha ko e takatakaimotu. Manatu nakai a koe to liga maeke e tau vao uhi he lalolagi ke puipui? [Fakaata ma e tali.] Fakamaama he mekasini nei e tau laliaga hane taute mogonei ke fakahao aki e tau vao uhi. Ti fakatutala foki ke he puhala ka fakamoli e maveheaga fulufuluola nei mai he Atua.” Totou Isaia 11:9.

Ko e Kolo Toko Iulai 1

“Taha he tau matapatu manako ha tautolu ko e tau tagata ke fakaalofa mo e ke mokoina. [Totou e vala tala ne fatiaki he lau 4.] Ka e, kua mailoga nakai e koe kua hagahaga ni e tau tagata he vaha nei ke tuku fakamua e falu mena foki? [Fakaata ma e tali.] Fakatutala e mekasini nei ke he fakaalofa moli mo e puhala ke feaki ai.” Totou 1 Korinito 13:2.

Awake! July 8

“Tokologa e tau tagata ne tupetupe ha ko e tupu lahi he favale teao. [Talahau e fakatai ne iloa he matakavi ia, mo e fakaata ma e tali.] Kumikumi he mekasini nei e falu kakano ne lafi ke he favale kolokolovao. Fakamaama foki e puhala ka uta kehe katoatoa he Atua e kolokolovao mo e favale.” Totou Salamo 37:10, 11.