Setulu he Tau Feleveiaaga Fekafekau

Fahi Tapu Kamata ia Iulai 14

Lologo 56

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Putoia e tau talahauaga ke he “Kua Mitaki!” He fakaaoga e tau manatu he lau 8, taute ua e fakataitaiaga moli ke he puhala ke foaki e Watchtower, Iulai 15 mo e Awake!, Iulai 22 ke he fonua he fakapotopotoaga. He tau fakataitaiaga takitaha, kua lata e tau mekasini ua ia ke foaki fakalataha, pete he taha ni ka fakamaama.

15 min: Puhala Fe ne Fakamonuina e Tau Momoui ha Tautolu he Tapuaki ki a Iehova? Fakatutalaaga auloa. Ko e tapuakiaga mea e kei ke he moui fiafia mo e fai kakano. (1) Kua lagomatai a tautolu ke fahia he tau lekua mo e tau kapaletu he moui. (Filipi 4:6, 7) (2) Kua fakamalolo a tautolu ke feaki e tau fua mahani Atua. (2 Pete. 1:5-8) (3) Kua lagomatai a tautolu ke fakaaoga e magaaho mo e tau koloa ha tautolu ke he puhala aoga lahi. (1 Timo. 6:17-19) (4) Kua foaki e amaamanakiaga moli ma e anoiha. (2 Pete. 3:13) (5) Kua fakamalolo a tautolu ke feaki e fakafetuiaga tata ha tautolu mo Iehova. (Iako. 4:8) Fakakite e kehekehe he puhala he tau mena nei kua nakai ha ha ia lautolu ne nakai iloa po ke fekafekau a Iehova.

20 minu: “Loto Fakaaue ke he Fakaalofa Noa he Atua.”a Ka fakatutala e paratafa 3, fakakite e tau manatu ke kamata e fakaholoaga mekasini, ne fakave ke he Ha Tautolu a Fekafekauaga he Kautu ia Oketopa 1998, lau 8. Huhu ke he taha po ke ua e tagata fakailoa kua lata ke he puhala ne moua e lautolu kua lauia mitaki he kamata e tau fakaakoaga Tohi Tapu. Fakamalolo e tau tagata oti ke eke mo tau foliaga ha lautolu ke kamata mo e taute e fakaakoaga Tohi Tapu.​—om lau 91.

Lologo 176 mo e liogi fakaoti.

Fahi Tapu Kamata ia Iulai 21

Lologo 184

10 minu: Tau fakailoaaga he matakavi. Hokotakiaga fakatupe.

10 minu: “Fakaholoaga Fou he Toloaga he Takaiaga.” Lauga mo e fakatutalaaga auloa. Fakailoa e aho he toloaga he takaiaga ka hau. Ka o atu e fakapotopotoaga ke he toloaga ha lautolu he tau mahina gahoa ne hau, totoku ko lautolu kua manako ke papatiso kua lata ke fakailoa atu ke he leveki fakapotopotoaga. Fakamalolo ke he tau tagata oti ke taute e tau laliaga pauaki ke uiina e tau tagata fakaako Tohi Tapu ke fakalataha mai ke he tau fakaholoaga takitaha.

25 minu: Fifitaki e Malolo ha Lautolu he Fakamatala. Fakatutalaaga auloa ne fakave ke he tohi Worship God, lau 170-1. Uiina e toloaga ke tali e tau huhu ne tutu he paratafa 7 ti putoia e tau kupu tohi ne tohi ai ke he ha lautolu a tau tali. Fifili e tau kupu tohi ke totou. Fakatoto e tau fakaakoaga kua moua e tautolu mai he tau fakamauaga nei mo e puhala kua lagomatai a tautolu ke moua e onoonoaga tonu ke he kotofaaga ha tautolu ke fakamatala.

Lologo 201 mo e liogi fakaoti.

Fahi Tapu Kamata ia Iulai 28

Lologo 45

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotaki he gahua ke he fonua ma Iulai. He fakaaoga e tau manatu he lau 8, taute ua e fakataitaiaga kehekehe ke foaki e Kolo Toko, Aokuso 1 mo e Awake!, Aokuso 8. He tau fakataitaiaga takitaha, kua lata e tau mekasini ke foaki fakalataha, pete he taha ni ka fakamaama. Ke he taha he fakataitaiaga, fakakite e tagata fakailoa hane fakamatala nakai mautali.

15 min: Fakatutala “Holo ki Mua e Fakaholoaga Talaga Fale he Kautu.” Talahau ko e talagaaga he tau Fale he Kautu he tau motu ne nakai lahi e tau koloa mo e ke he matakavi he la matapatu kua lalago he tau mena foaki ke he Kingdom Hall Fund.

20 minu: “Tamai he Fakamatala Fakamatakau e Olioli.”b He fakatutala e paratafa 3, putoia e tau talahauaga he Puha Huhu he Ha Tautolu a Fekafekauaga he Kautu ia Sepetema 2001. Huhu fakaku atu ke he leveki Fakaakoaga Tohi he Fakapotopotoaga. Huhu hagaao ke he tau fakatokaaga he gahua he fonua ne taute e ia ma e matakau fakaako tohi hana mo e puhala kua aoga ai e matakau mai he fakamatala auloa.

Lologo 36 mo e liogi fakaoti.

Fahi Tapu Kamata ia Aokuso 4

Lologo 178

10 minu: Tau fakailoaaga he matakavi. Talahau e tau tohi ka foaki he mahina nei. Fakatata taha po ke ua e fakataitaiaga ku ne maeke ke fakaaoga.

20 minu: “Foakiaga he Tau Tohi ke he Matakavi he Tau Vagahau Kehekehe.”c Fakaaoga e tau huhu kua foaki. Ka taute e paratafa 3, fakatata e fakataitaiaga mukamuka ke he vagahau kehe ne vagahau he matakavi fonua mo e nakai fai fakapotopotoaga pihia i ai.​—km 7/02 lau 1 para. 4.

15 min: Hane Fakaheke he Tau Fuata a Iehova! Lauga mo e fakatutalaaga auloa mo e tau huhu tala. Kua fiafia a tautolu ke logona e tau fuata ne talahau e tau tali mau tauteute mitaki ke he tau feleveiaaga. Ko e makutu mo e holo ki mua ha lautolu he Aoga Fekafekau Fakateokarasi ko e mena fiafia lahi. Kua fakatata e lautolu e tua moli he fakamatala fakamitaki ke he fekafekauaga. Kua fakalilifu he mahani Atua ha lautolu a Iehova. (yb88 lau 53-4) Kua fakatoka he holo ki mua fakaagaga ha lautolu e fakaveaga ma e tau kotofaaga anoiha. Huhu fakaku ke he ua po ke tolu e fuata Kerisiano kua olioli e fakalataha tumau ke he tau matagahua he fakapotopotoaga. Nava mafanatia ke he tau fuata he fakapotopotoaga ma e tau laliaga mitaki ha lautolu ke fakaheke a Iehova.

Lologo 49 mo e liogi fakaoti.

[Tau Matahui Tala]