Puha Huhu

◼ Puhala fe ke moua aki e tau lagaki fakatagata he Ko e Kolo Toko mo e Awake!?

Ha kua nakaila leva e fakaoti e fakatokaaga ota mekasini fakahu ma e tau tohi po ke tau autiokasete he tau fufuta he The Watchtower mo e Awake!, he tau vagahau oti, ko e tau tagata fakailoa oti kua lata ke moua e tau mekasini, tau autiokasete, mo e tau CD MP3 ha lautolu mai he fakapotopotoaga. Ko e tau mekasini Paraile mo e tau autiokasete ni ka kehe ha kua fakahu atu nakai totogi ki a lautolu kua latatonu ki ai. Fakamolemole kia mailoga kua maeke e tau fakapotopotoaga ke ota e tau mekasini he autiokasete po ke tau CD MP3 he laupepa Congregation Requests (M-202). Ko e tau fufuta vagahau kehe mo e matatohi lalahi kua lata foki ke ota he fakaaoga e laupepa nei.

Ka fai tagata he fonua ha mutolu ne ole ke moua tumau e tau mekasini, fakamolemole kia manatu ke fakakia fakamafiti ke nakai fai fufuta ka to noa. Ko e tau tagata tuku ki tua kua maeke ke moua mai e tau mekasini po ke falu tohi mo fakaaoga fakatagata ha lautolu mai he tau tokaaga tohi he Fale he Kautu. Ko e tau tagata tuku ki tua kua nakai lata ke putoia ke he fakatokaaga mekasini fakatagata.

Ko e tau ota mekasini fakahu ka toka hokoia ke he la ko e ha lautolu ne nakai maeke ke leveki he ha tagata fakailoa he fakapotopotoaga ke he fakatokaaga mekasini. Kaeke ta atu he Komiti Fekafekau he Fakapotopotoaga e ole ma e ota mekasini fakahu ma e taha tagata ne nakai maeke ke moua ai, kua lata he tohikupu ke taute taha tohi ku ke fakamaama ko e ota mekasini fakahu nei kua kitekite ki ai mo e kua talia he Komiti Fekafekau he Fakapotopotoaga.

Kakano he mena nei kua nakai lata e tau tagata fakailoa ke tohi ke he la ofisa ke ole ma e ota mekasini fakahu fakatagata. Ko e ha ole pihia ma e tau ota mekasini fakahu ka taute he tau tagata fakailoa po ke tau tagata kua fakakite e fiafia to liu ni ke fakatonu atu ke he fakapotopotoaga.

◼ Maeke fefe he tau pagota ke moua e tau lagaki fakatagata he tau mekasini?

Kaeke maeke he fakapotopotoaga ne leveki e gahua fakamatala he fale puipui ke ta atu e tau mekasini ke he tau pagota ne puipui i ai, ti kua lata he pagota ke moua e lagaki hana he Kolo Toko mo e Awake! mai he tau tagata fakailoa ne fa ahi atu. Ka nakai maeke e mena nei, kua maeke e pagota ke ole ni e ia e tau ota mekasini fakahu hana he tohi ke he la ofisa. Fakamolemole mailoga ko e tau pagota tuku ki tua kua maeke foki ke moua e tau lagaki fakatagata he tau mekasini ke he puhala tuga kua talahau he paratafa nei.