Setulu he Tau Feleveiaaga Fekafekau

Fahi Tapu Kamata ia Mati 14

Lologo 7 (51)

8 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakamalolo e tau tagata oti ke kitekite e vitio David​—He Trusted in God he mautauteute ma e Feleveiaaga Fekafekau he fahi tapu ia Aperila 4. Ko e matagahua pauaki ke tufa e Kia Mataala!, mo e to fakaoti ia Mati 20. He vala ne toe he mahina a Mati, to foaki e Iloilo ne Takitaki Atu ke he Moui Tukulagi.

17 minu: “Fonoaga he Fahimotu ‘Omaoma Mahani Atua’ he 2005 he Tau Fakamoli a Iehova.”a Ke taute he tohikupu he fakapotopotoaga. Ka mole e tutala ke he paratafa 2, totou e tohi he fonoaga ne fakatoka mai he Novema 30, 2004. Fakamalolo oti ke taute mogonei e tau fakatokaaga ha lautolu ma e fonoaga.

20 minu: “Fakaaoga e Tau Mekasini he Fekafekauaga ha Mutolu.”b Ka fakatutala e paratafa 3 mo e 4, fakaaoga e vala tala ne felauaki mo e matakavi. Huhu tala fakaku ke he taha po ke tokoua e tagata fakailoa ne lauia mitaki he foaki e tau mekasini he tau matakavi pisinisi, he gahua ke he tau puhala tu, he tau toloaga, po ke fakamatala nakai mautali. Huhu ki a lautolu ke fakamaama e puhala ne foaki e lautolu e tau mekasini he tau tuaga nei. Kia fakatata fakaku e fakataitaiaga po ke liu fakakite e mena ne tupu.

Lologo 11 (85) mo e liogi fakaoti.

Fahi Tapu Kamata ia Mati 21

Lologo 6 (45)

10 minu: Tau fakailoaaga he matakavi. Fakaaoga e tau manatu he lau 8 (ka felauaki ma e fonua ha mutolu) ke fakatata e puhala ke foaki e Watchtower, Mati 15 mo e Awake!, Mati 22. Ko e falu fakataitaiaga moli kua maeke ke fakaaoga. He taha he tau fakataitaiaga, fakatata e liu ahi atu ke he fakatokaaga mekasini. Ka oti e fakataitaiaga, fakaaoga e kili i tua he Watchtower ia Mati 15 ke fakamanatu ke he tagata he kaina e Fakamanatuaga hane hau.

17 minu: “Peehi e Aoga he Tohi Tapu!”c

18 minu: Feaki e Fiafia he Fakaaoga e Porosua Fou. Lauga mo e fakatutalaaga auloa ka taute he leveki fekafekau. Kua lata ia tautolu ke liliu ke feaki e fiafia he tau tagata takitaha ne talia e lagaki he Kia Mataala! He fakaaoga e tau mataulu tala he lau 2, talahau fakaku e talahauaga ke he porosua, he onoono fakamahao ke he tau veveheaga ne fakakite fakatonu (ne tohi fakamata puni lalahi i lalo he tau fahi mataulu). Ko e porosua nei kua maeke ke fakaaoga ma e tau fakatutalaaga ku, fai kakano ka liu ahi atu. Ma e fakatai, kaeke ke fakaaoga e lau 3-4 he ahi atu fakamua, ko e vala ne fakamaama mai “Fakaalofa Moli Kia e Atua?” he lau 5 ka maeke ke fakaaoga ka liu ahi atu foki. Fakatutala ke he puhala ka taute e mena ia. Liu tutala ke he falu vala ne fakamaama, tuga he lau 6-8 mo e 17-18 po ke falu foki kua latatonu ma e matakavi. Fakatata e liu ahi atu, he fakaaoga taha he tau vala ne fakamaama. Taha po ke loga atu he tau kupu tohi ka totou mo e fakatutala ki ai. Fakahiku he tagata fakailoa he onoono pauaki ke he taha vala foki ne fakamaama ka maeke ke tutala ki ai ka liu ahi atu.

Lologo 2 (15) mo e liogi fakaoti.

Fahi Tapu Kamata ia Mati 28

Lologo 23 (200)

10 minu: Tau fakailoaaga he matakavi. Totou e hokotakiaga fakatupe mo e tau fakatokaaga mena fakaalofa. Fakamanatu oti ke kitekite e vitio David​—He Trusted in God he mautauteute ma e Feleveiaaga Fekafekau he fahi tapu ka hau. Fakamalolo oti ke uiina a lautolu ne fiafia ke fakalataha mai ke he lauga pauaki ke he tau tagata he Aperila 10. Talahau e tohi ka foaki ma Aperila mo Me.

18 minu: Kamata e Tau Fakaakoaga Tohi Tapu mo Lautolu ne Talia e Porosua Fou. Lauga mo e fakatutalaaga auloa ke taute he leveki fekafekau. Liu fakatutala fakaku e liu ahi atu ne fakatata he Feleveiaaga Fekafekau, mailoga pauaki e vala ne fakamaama he fakaotiaga he ahi atu ia. Fakaaoga e tau tagata fakailoa agaia (ka maeke) ke fakatata e vala ia he liu ahi atu ka hau. Fakaaoga mogoia he tagata fakailoa e kili i tua he porosua ke foaki e fakaakoaga Tohi Tapu, mo e tau fakatokaaga ke kitekite ke he fakaakoaga 1 he porosua Manako ka liu ahi atu. Fakamalolo oti ke hagaaki he kamata e tau fakaakoaga Tohi Tapu mo lautolu ne talia e lagaki he Kia Mataala!

17 minu: Fakakite The Watchtower mo e Awake! Liu kitekite ke he tau manatu ke fakamalikiti e foaki he tau mekasini “Foaki e Tau Mekasini he Fekafekauaga Hau.” Fakatutala ke he tau manatu atihake he tau fufuta fou he tau mekasini. Fakaaoga e tau manatu he lau 8 (ka felauaki ma e fonua ha mutolu), ke fakatata e puhala ke foaki e Kolo Toko, Aperila 1 mo e Awake!, Aperila 8. Ko e falu fakataitaiaga moli kua maeke ke fakaaoga. He tau fakataitaiaga takitaha, fakamaama e puhala kua fakatupe e gahua he lalolagi katoa ha tautolu.​—Kikite Ko e Kolo Toko, lau 2, po ke Awake! lau 5.

Lologo 15 (127) mo e liogi fakaoti.

Fahi Tapu Kamata ia Aperila 4

Lologo 17 (187)

5 minu: Tau fakailoaaga he matakavi.

15 min: Tau mena tutupu he matakavi. Uiina e toloaga ke talahau e tau mena tutupu ne moua e lautolu he liu ahi atu ke he tau foakiaga he Kia Mataala! Fakatoka tuai ke liu fakakite e tau mena tutupu kua mua atu e aoga. Nava oti ha ko e ha lautolu a lalagoaga ke he matagahua pauaki.

25 minu: “Ko e Vitio mo e Fekau Aoga Lahi.” Totou Salamo 91:2 mo e 31:14, he talahau e talahauaga ku ki ai. Ti kamata fakatonu e fakatutalaaga auloa he fakaaoga e tau huhu ke he vitio David, he fakaaoga e tau huhu oti ne tohi he paratafa ua ti pihia mo e huhu he paratafa tolu. Mole ia, ti huhu ke he tau magafaoa ke talahau e puhala ne aoga ki a lautolu he fai vala ke he “Tau Matagahua Fakaako” he DVD. Fakahiku he totou Salamo 56:11.

Lologo 13 (124) mo e liogi fakaoti.

[Tau Matahui Tala]