Setulu he Tau Feleveiaaga Fekafekau

Faahi Tapu Kamata ia Mati 13

Lologo 21 (191)

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakaaoga e tau manatu he lau 4 po ke falu fakataitaiaga ne felauaki mo e matakavi ha mutolu, fakatātā e puhala ke foaki e Watchtower, Mati 15 mo e Awake! ia Mati. He matahiku he tau fakataitaiaga takitaha, kia uiina he tagata fakamatala e tagata he kaina ke he Fakamanatuaga he fakaaoga e kili i tua he mekasini ne fakatātā.

15 min: “Lagomatai e Falu ke Aoga Mai he Lukutoto.”a Ko e vala ka mui mai to fakatutala fakalaulahi e puhala ke fakaaoga aki e tautolu e tohi Fakaako he Tohi Tapu he lau 206-8 ka uiina e tau tagata ke he Fakamanatuaga.

20 minu: Kaiaga Afiafi he Iki​—Ko e Fakamanatuaga ne Fakaheke e Atua. Fakatutalaaga hūhū mo e tali ne fakavē ke he tohi Fakaako he Tohi Tapu he lau 206-8. He kamataaga ke nakai molea e taha e minuti, fakakite e puhala ke hafagi e matakupu ke he tagata he kaina he totou e paratafa fakamua. Ti uiina e toloaga ke tali e tau hūhū ne mumui mai he nakai totou e tau paratafa: (para. 2) I ne fe ne fakatū e Iesu e Fakamanatuaga he mate haana? (para. 3) Kua lata ke lagafiha e fakamanatu e Kaiaga Afiafi he Iki? (para. 4) Fakamaama fēfē he Tohi Tapu e Fakamanatuaga? (para. 5) Iloa fēfē e tautolu kua nakai fakafaliu e Iesu e falaoa ke he tino mooli haana mo e faliu e uaina ke he toto haana? (para. 6) Ko e heigoa ne fakamailoga he falaoa nakai fakaea? (para. 7) Ko e heigoa ne hukui he uaina kula? (para. 8) Ko hai hokoia ka fakalataha ka kai ke he falaoa mo e inu ke he uaina? (para. 9) Ko e magaaho fe he tau ka fakahoko e Fakamanatuaga, ti ko e ha kua lata ke hohoko atu ai a tautolu? Fakamaama e tau matapatu kupu tohi ka fai magaaho. Fakamalolō oti ke fakaako e vala tala nei mo e tau tagata fakaako Tohi Tapu mo e falu kua uiina e lautolu ke he Fakamanatuaga he totou e tau paratafa, fakatutala ke he tau matapatu manatu, mo e fakaaoga e tau hūhū mukamuka, tuga ne fakakite mai he vala nei.

Lologo 4 (43) mo e liogi fakaoti.

Faahi Tapu Kamata ia Mati 20

Lologo 15 (127)

10 minu: Tau fakailoaaga he matakavi. Liu fakamanatu e tau matapatu manatu mai he puha “Tau Fakamanatu ma e Fakamanatuaga.”

23 minu: Matagahua he Keriso ke he Fakatokaaga he Atua. Ko e lauga ne fakavē ke he Organized to Do Jehovah’s Will, lau 10-13. Ka fakatutala ke he tau paratafa ua fakamua i lalo he vala mataulu “Ko e Matagahua Mooli he Keriso,” fakaaoga tolu po ke fā e minuti ke talahau mo e fakatātā e tau puhala ke fakaaoga e uiina he Fakamanatuaga. Liu fakatutala e tau manatu he Ha Tautolu a Fekafekauaga he Kautu ia Fepuari 2006, lau 3, paratafa 3.

12 minu: Fakamalolō he Kumikumi e Tau Tohiaga Tapu he Tau Aho Takitaha. Lauga mo e fakatātāaga ne fakavē ke he folafolaaga he Kumikumi e Tau Tohiaga Tapu he Tau Aho Takitaha​—2006. Fakatoka tuai e fakatātāaga he magafaoa ne fakatutala ke he kupu tohi mo e talahauaga he aho nei.

Lologo 11 (85) mo e liogi fakaoti.

Faahi Tapu Kamata ia Mati 27

Lologo 6 (45)

15 min: Tau fakailoaaga he matakavi. Fakamalolō ke he tau tagata fakailoa ke tuku e tau hokotaki he gahua ke he fonua ma Mati. Totou e hokotakiaga fakatupe mo e tau fakatokaaga mena fakaalofa. Fakaaoga e tau manatu he lau 4 po ke falu fakataitaiaga kua felauaki mo e fonua ha mutolu, fakatātā e puhala ke foaki e Kolo Toko, Aperila 1 mo e Awake! ia Aperila. Fakakite foki e puhala ke fakaaoga e uiina ne lomi ke uiina a lautolu kua fiafia ke he Fakamanatuaga.

10 minu: Pule Agaia Nakai e Atua? Lauga mo e fakatātāaga ne fakavē ke he kili i tua he Watchtower, Aperila 1, 2006. Fakaaoga e tau magaaho oti ke uiina e tau tagata ke he lauga pauaki ma e tau tagata. Mailoga mooli ke uiina e tau tagata fakaako Tohi Tapu oti ti pihia mo e tau tagata oti he magafaoa haana ne nakai fakalataha ke he fakaakoaga Tohi Tapu. Ko e tau tagata oti ne iloa kua fiafia mo e falu ne feleveia e tautolu he gahua he fonua kua lata ke age e uiina pauaki nei. Fakatātā e puhala ke fakaaoga he Watchtower ia Aperila 1 ka foaki e uiina ki a ia ne kua leva e lolelole po ke mamutu e hau ke he tau feleveiaaga.

20 minu: Tau mena tutupu he matakavi. Uiina e toloaga ke talahau e tau mena ne fiafia a lautolu ki ai he foaki e tohi Fakaako he Tohi Tapu. Fakamaama ke he tau fakaakoaga Tohi Tapu ne kamata ia Mati. Talahau e tau fakaakoaga Tohi Tapu ne kamata. Taha po ke ua e tau mena tutupu kehe lahi ka maeke ke liu fakakite.

Lologo 17 (187) mo e liogi fakaoti.

Faahi Tapu Kamata ia Aperila 3

Lologo 16 (143)

15 min: Tau fakailoaaga he matakavi. Liu fakatutala fakakū e vala tala “Olioli e Fakaakoaga ha Tautolu ke he Ko e Heigoa ne Fakaako Moli he Tohi Tapu?” ne tohi he Ha Tautolu a Fekafekauaga he Kautu ia Fepuari 2006 he lau 6. Fakakite foki e puhala ke fakaaoga e uiina ne lomi ke uiina a lautolu ne fiafia ke he Fakamanatuaga.

10 minu: Tau mena kua lata mo e fakapotopotoaga.

20 minu: “Fakaako a Lautolu ne Mahani Molū ke O he Puhala he Atua.”b Putoia e tau talahauaga ne fakavē ke he Kolo Toko, Iulai 1, 2004, lau 26-27, paratafa 9.

Lologo 20 (93) mo e liogi fakaoti.

[Tau Matahui Tala]