Tau Fakailoaaga

◼ Tohi foaki ma Fepuari: Ko e Mena Galo he Fiafia he Magafaoa po ke ha pepa ne 192 e lau ne tohia he tohi kua tuai po ke ha tohi ne taute fakailoa ato hoko e 1995. Mati: Ko e Heigoa ne Fakaako Moli he Tohi Tapu? Eketaha ke kamata e tau fakaako Tohi Tapu he fina atu fakamua. Ka fitā he fai tohi e tau tagata he kaina ti nakai talia e foaki ke fakaako Tohi Tapu, maeke e tau tagata fakailoa ke foaki e mekasini tuai po ke ha porosua ne felauaki mo e manako he tagata. Aperila mo Me: Ko e tau mekasini Ko e Kolo Toko mo e Awake! Ka fakakite e fiafia ti foaki e tuleke Manako Nakai a Koe ke Iloa e Kupu Mooli? ti eketaha ke kamata e fakaako Tohi Tapu. Ka taute e tau liu aahi atu ki a lautolu ne fakalataha mai ke he Fakamanatuaga po ke falu matagahua fakateokarasi ka e nakaila fakalataha tumau mo e fakapotopotoaga, hagaaki ke kamata e tau fakaako Tohi Tapu he fakaaoga e tohi Fakaako he Tohi Tapu.

◼ Ko e lauga pauaki ka taute he matahiku faahi tapu ka mole e Fakamanatuaga mo e ne mataulu: “Kua Mule Tuai Kia ke he Haau a Manatu?”

◼ Ka fakatokatoka e tau o fenoga evaeva haau ti putoia e o atu ke he tau motu ne nakai tū he hokotaki foou he tau he fekafekauaga po ke nakai tū e matahigoa he kaina he lau fakahiku he Yearbook foou, fakamolemole matutaki ke he la ofisa ke iloa mooli e tau mena ke fakaeneene ki ai po ke tau fakamaamaaga pauaki kua lata ke muitua. Liga nakai fakaatā e matagahua he Kautu he matakavi ia. (Mata. 10:16) He falu motu kua liga nakai lata e tau tagata ahiahi ke matutaki mo e Tau Fakamoli po ke tau fakapotopotoaga he matakavi. To tala atu e falu takitakiaga ki a koe hagaao ke he fakamatala he magaaho noa po ke uta he tau tohi mo koe. Ko e kaufakalataha haau ke he takitakiaga kua foaki e puipuiaga neke tupu e tau lekua noa ki a koe po ke gahua he Kautu he motu kua ahiahi atu a koe ki ai.​​—1 Kori. 14:33, 40.