Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Mati

“Iloa e au to talia a koe kua manako oti e tau tagata ke fai kapitiga. Ko e heigoa e mahani kua uho lahi ki a koe he kapitiga? [Fakaatā ma e tali.] Mailoga e talahauaga nei ke he kakano kua lata ia tautolu ke fifili fakamitaki e tau kapitiga ha tautolu.” Age ke he tagata he kaina e lagaki he fufuta he Ko e Kolo Toko ia Ianuari-Mati ti totou mo e fakatutala tokoua e vala tala i lalo he vala mataulu tala fakamua he lau 24. Totou taha he tau kupu tohi. Foaki e tau mekasini, ti fakatoka ke liu atu ke fakatutala e tali ke he taha hūhū foki.

Ko e Kolo Toko Ianuari-Mati

“Kua fa manamanatu nakai a koe ko e ha kua loga lahi e tau matematekelea tupu pauaki he foou nei? [Fakaatā ma e tali.] Mailoga ai, na talahau tuai he Tohi Tapu e magaaho ka fakamailoga he tau matematekelea. [Totou Mataio 24:7, 8.] Tali he mekasini nei e tau hūhū nei: Ko e ha kua loga lahi e tau matematekelea pauaki kua kitia e tautolu he vahā nei? Ko e tau fakahala mai kia he Atua? Ko e heigoa e tau kakano ke talitonu to nakai leva ti fakaoti he Atua e tau matematekelea oti kana?”

Awake! March

“Kua tutala a mautolu ke he tau tuutakaina hagaao ke he mena tupetupe kua tupu lahi. Tuga ko e tau tagata he vahā nei kua holo ki mua e ita mo e mafiti ke hogohogo manava a lautolu. Ko e heigoa he manatu e koe ati tupu e mena ia? [Fakaatā ma e tali.] Mailoga e taha mena ne talahau he Tohi Tapu hagaao ke he ita. [Totou Salamo 37:8.] Fakakite he mekasini nei e falu kakano he holo ki mua e ita he vahā nei ti pihia foki e tau puhala ke lagomatai a tautolu ke tautaofi e ita.”