Tau Mena Tutupu Mai he 2012 Yearbook

NOUE

Lau 108, paratafa 2

Ko e tau matakainaga ne fa o atu tumau ke he kaina ha Torkel mo Helga. Ne fakatutala tumau a lautolu ke he kupu mooli, ti foaki he mena nei ke he tau tagata fakailoa foou mo e fuata e fakamalolōaga lahi. Kua fa o atu e tau tagata fakailoa Bergen ke fakamatala he tau magamotu tata mai he posi mo e tulaki. Ka oti ia, ne fakapotopoto a lautolu ke talahau e tau mena tutupu mo e fiafia fakalataha e feoakiaga.

Lau 109, paratafa 2

Ko e hoana ha Olaf ko Esther ne matematekelea he gagao gugu mo e nofo mau ai ke he nofoa fakataveli. Ka ko e kaina ha laua ko e matakavi mahuiga lahi ma e tau matakainaga. Fa tunu e Olaf e tau mena kai ti fa taute e tau pekau moa manogi, ne talahaua lahi a ia ki ai. Ka ko e tau fakalatahaaga fakaagaaga atihake, tau fakatutalaaga ofoofogia faka-Tohi Tapu, mo e tau hūhū Tohi Tapu he kaina ha Skaus ne manatu agaia he tokologa he Tau Fakamoli momotua. “Ne nakai toka e mautolu e fale ha Skaus mo e loto gatigati,” he manatu e Ragnhild Simonsen.

RUANATA

Lau 181, paratafa 1

Ko e Matakainaga taane ko Tshiteya ne pehē: “Ko e tau matakainaga ne tamai he fale puipui he falu matakavi ke he fale puipui he lotouho i Kigali, ne feleveia fiafia a lautolu ko e taha mo e taha he pehē, ‘Komera!’ ne kakano ‘Kia fakamanavalahi!’ He logona he taha he tau leoleo fale puipui e fakafeleveiaaga nei, ne tali atu a ia: ‘Kua goagoa a mutolu! Maeke fēfē e tau tagata ke fakamanavalahi he fale puipui?’”