Moua e Koe e Tau Monuina Tukulagi Mai he Atua Fakaalofa

• Manako kia a koe ke he lalolagi ne ai latau, vale, mo e taufetoko?

• Manako lahi nakai a koe ke nakai fai gagao, matematekelea, mo e mate?

• Loto kia a koe ke ai tupetupe mo e fakaatukehe?

• Manako lahi nakai a koe ke nofo he matakavi kua nakai lauia he tau matematekelea tutupu pauaki?

Ko e Atua, ko e Tufuga he palaneta fuluola ne mavehe to fakamonuina e ia e tau tagata ke moui he tuaga mafola ne fiafia tukulagi. Nakai ko e miti anei.

He tau vala tala ka mui mai, uiina e mautolu a koe ke manamanatu ke he:

• Logonaaga he Tufuga ha tautolu ke he tau tagata

• Mena ne fakakite he Kupu tohia he Atua ki a tautolu

• Fakakite he tau perofeta he Atua hagaao ke he tau monuina haana ne mavehe mai

• Mena ha tautolu ka taute mogonei ke fiafia mo e moua e tau monuina tukulagi he magaaho ni he Atua

Kia kamata he kumikumi ke he manatu fakaalofa he Tufuga ma e tau tagata oti kana haana.