Fakatolomaki ki mua e Lotomatala ha Tautolu he Fekafekauaga​—Hokotia ke he Loto he Fakaaoga e ‘Kia Fakatumau a Mutolu ke he Fakaalofa he Atua’

KAKANO KUA AOGA AI: Kua lata e tau tagata ke fakaako ke he tau tutūaga ha Iehova mo e fakagahua ai ke maeke ke talia e tapuakiaga ki a ia. (Isa 2:3, 4) Ko e tohi “Fakaalofa he Atua,” ko e tohi fakaako ke uaaki ha tautolu to lagomatai e tau tagata fakaako Tohi Tapu ke manamanatu ke he puhala kua matutaki e tau matapatu fakaakoaga faka-Atua ke he moui he tau aho takitaha. (He 5:14) Kia eketaha a tautolu ke hokotia ke he tau loto ha lautolu ka fakaako ke manako mooli a lautolu ke taute e tau hikiaga.​—Rom 6:17.

PUHALA KE TAUTE AI:

• Mautauteute mitaki he tokaloto e tau manako he tagata fakaako haau. Talahau e tau hūhū fakalagalaga ka lagomatai a koe ke taaki mai e tau manatu mo e tau logonaaga haana hagaao ke he vala tala.​—Ftai 20:5; be-E 259

• Fakaaoga e tau puha he tohi katoa ke lagomatai e tagata fakaako haau ke kitia e uho he fakagahua e tau matapatu fakaakoaga he Tohi Tapu

• Lagomatai e tagata fakaako haau ke kitia e kakano mai he loto manamanatu, ka e nakai taute e tau fifiliaga ma haana.​—Kal 6:5

• Fifili fakailoilo kaeke kua lata e tagata fakaako haau ma e lagomatai ke fakagahua e tau matapatu fakaakoaga pauaki he Tohi Tapu. Fakamafana totonu a ia ke taute e tau hikiaga ne fakavē ke he fakaalofa haana ma Iehova.​—Ftai 27:11; Ioa 14:31