Lagi Foou mo e Lalolagi Foou To Tupu Mai e Fiafia Lahi Mahaki

Ko e maveheaga he Atua hagaao ke he fakafoouaga ne fakamau ia Isaia veveheaga 65 kua moolioli ati tutala a Iehova ke tuga kua fitā he fakamooli.

Kua eke e Iehova e lagi foou mo e lalolagi foou, ne nakai tuai manatu ke he tau mena fakamua

65:17

Ko e heigoa e lagi foou?

• Ko e fakatufono foou ka tamai e tau tutūaga tututonu ke he lalolagi

• Fakatū ai he 1914 he mogo ne fakapatuiki a Keriso ko e Patuiki he Kautu he Atua

Ko e heigoa e lalolagi foou?

• Ko e fakatokaaga he tau tagata mai he tau motu, tau vagahau, mo e tau lanu kehekehe ne talia fiafia e pule he fakatufono foou he lagi

Puhala fe ka nakai tuai manatu ke he tau mena fakamua?

• Ko e tau mena ne fakatupu e tau manatu mamahi​—matematekelea he tino, manamanatuaga, mo e tau logonaaga​—to nakai liu tupu foki

• To moua katoatoa he tau tagata fakamooli e moui fiafia mo e tokiofa e tau manatu mitaki he tau aho takitaha