Kua Moumou he Atua e Lalolagi Kelea

18 Kua tupu lahi e fanau a Atamu. Kua mahani kelea lahi foki a lautolu. Kua fifili he Atua ke moumou a lautolu.—Kenese 6:1, 5, 7

19 Kae ha ha i ai e taha tagata mahani mitaki ko Noa.—Kenese 6:8, 9

Kua talaage he Atua ko Iehova kia ia ke ta e vaka lahi mahaki ke fakahaoaki aia mo e hana a magafaoa ka e fakahoko e moumouaga he tau tagata mahani kelea. Ko e vaka kua tuga mo e puha paka lahi. Kua fakahigoa ko e vaka.—Kenese 6:13, 14

20 Kua uta e lautolu loga e tau manu ki loto he vaka.—Kenese 6:19-21

21 Ti fakatupu e Iehova e uha lahi ke to. Kua mamate oti e tau tagata kelea. Ko lautolu ni i loto he vaka ne hao. Iloa nakai e koe ko e ha?—Kenese 6:17; 7:11, 12, 21; 1 Peteru 3:10-12