Kua Foaki e Iehova ma Tautolu e Fakamoui

29 Ko e tagata tino fakaagaga ne eke fakamua he Atua, kua tatai ko e tama uluaki hana.

Kua fakaalofa lahi ueatu he Atua kia ia mo to fakaaoga aia ke moumou e tau tagata mahani kelea kae fakahao a lautolu ne omaoma.—Ioane 3:16, 36

30 Kua fakafano e Iehova hana a tama ke fanau mai ke he lalolagi. Kua ui hana higoa ko Iesu. Ko e higoa e hana matua fifine ko Maria.—Luka 1:30-35

31 Ne tupu hake a Iesu ti fakaako e ia loga e tau mena mitaki. Fakaako e ia ko Iehova e Atua moli ni hoko ia.—Mareko 12:29, 30

Kua pehe a Iesu kia hufeilo atu a tautolu kia Iehovah ni hoko ia.—Mataio 4:10; Ioane 4:23, 24

Ti fakaako foki e ia e tau tagata ke he kautu a Iehova.—Luka 17:20, 21

32 Ne fakamalolo e Iesu e tau tagata gagao mo e taute loga he tau mena mitaki. Ne nakai taute e ia ha mena kelea.—Gahua 10:38; 1 Peteru 2:21, 22

Kae to fakahao fefe e ia a tautolu mai he hala mo e mate?

33 Ne tuku atu e ia e poa ki mua he Atua ke fakahao aki e tau tagata mahani mitaki. Ko e tau vaha fakamua, ne talaage e Atua ke he tau tagata ke eke e tau manu mo poa mae tau hala ha lautolu.—Heperu 7:25, 27

34 Ne nakai taute e Iesu e tau manu mo poa. Kua tuku atu e ia aia ke eke mo poa ma tautolu.—Mataio 20:28; Heperu 10:12

Iloa nakai e koe ko e ha?