Ne Fēfē e Moui he Parataiso?

Ne age e Iehova ki a Atamu mo Eva e tau mena mitaki loga. Kenese 1:28

Ne tufuga e Iehova e fifine fakamua ko Eva, ti foaki age a ia ki a Atamu ke eke mo hoana haana.​—Kenese 2:21, 22.

Ne tufuga e Iehova a laua aki e tau manamanatuaga mo e tau tino ne mitaki katoatoa nakai fai kelea.

Ko e kaina Parataiso ha laua e kaina ko Etena​—ko e matakavi fulufuluola lahi ne ha ha ai e vailele mo e tau akau kai mo e tau manu.

Ne vagahau a Iehova ki a laua; ne fakaako e ia a laua. Ane mai fanogonogo a laua ki a ia, to momoui tukulagi a laua he Parataiso he lalolagi.

Pehē e Atua kia nakai kai mai he taha he tau akau. Kenese 2:16, 17

Ne fakakite e Iehova ki a Atamu mo Eva taha e akau kai he kaina ti tala age ki a laua ka kai ai e laua to mamate a laua.

Taha he tau agelu ne totoko ke he Atua. Ko e agelu kelea ia ko Satani ko e Tiapolo.

Ne nakai manako a Satani ki a Atamu mo Eva ke omaoma ki a Iehova. Ti fakaaoga e ia e gata ke tala age ki a Eva ka kai e ia e fua he akau to nakai mate a ia, ka e to tuga e Atua a ia. Mooli, ko e pikopiko a ia.​—Kenese 3:1-5.