Fanogonogo Nakai a Iehova ki a Tautolu?

Logona he Atua e tau liogi ha tautolu. 1 Peteru 3:12

Ko Iehova ko e “fanogonogo liogi.” (Salamo 65:2) Manako a ia ki a tautolu ke tutala ki a ia mai he tau loto ha tautolu.

Liogi ki a Iehova ka e nakai ke he ha tagata foki.

Maeke ia tautolu ke liogi hagaao ke he tau mena loga. 1 Ioane 5:14

Liogi ke eke e finagalo he Atua ke he lagi mo e ke he lalolagi.

Liogi puhala he higoa a Iesu ke fakakite kua uho ki a koe e mena ne taute e ia ma haau.

Ole ki a Iehova ke lagomatai a koe ke taute e mena mitaki. Maeke foki a koe ke liogi hagaao ke he tau mena kai, gahua tupe, nofoaga, tau mena ke tapulu ai, mo e tino malolō.