Maeke Mooli Kia a Lautolu ne Mamate ke Liu Momoui?

TALAHAU HE TOHI TAPU

To “liu foki tutu mai a lautolu kua mamate.”​—Gahua 24:15.

KAKANO HE MENA IA MA HAAU

Mafanatia ka mamate e tau fakahelehele.​—2 Korinito 1:3, 4.

Atāina mai he matakutaku ke he mate.​—Heperu 2:15.

Ko e amaamanakiaga mooli ke liu fakalataha mo e tau fakahelehele haau ne mamate.​—Ioane 5:28, 29.

TALITONU MOOLI KIA A TAUTOLU KE HE MENA NE TALAHAU HE TOHI TAPU?

Ē, he tolu e kakano:

• Ko e Atua e Tufugatia he moui. Fakahigoa he Tohi Tapu a Iehova ko e Atua ko e ‘punaaga he moui.’ (Salamo 36:9; Gahua 17:24, 25) Ko Ia ne foaki e moui ke he tau mena momoui oti kana, kua maeke mooli a Ia ke liuaki e moui ke he tagata kua mate.

• Ne liu fakatu mai he Atua e tau tagata mamate he vahā i tuai. Fakamau he Tohi Tapu valu e tagata ne liu fakatu mai​—ikiiki, motua, taane, mo e fifine​—ne liu fakamomoui mai ke he lalolagi. Falu ne nakaila leva e mamate, ka e taha ne kua fā e aho i loto he tukuaga!​—Ioane 11:39-44.

• Makai e Atua ke liu taute pihia foki. Vihiatia e Iehova e mate; ko e fī ke he haana onoonoaga. (1 Korinito 15:26) Ha ha ia Iehova e manako lahi ke kautū ke he fī ia, ke utakehe e mate ha ko e liu tu mai. Manako lahi a ia ke liuaki mai a lautolu ne manatu e ia mo e kitia a lautolu ka liu nonofo he lalolagi.​—Iopu 14:14, 15.