Ko e Heigoa e Kautu he Atua?

TALAHAU HE TOHI TAPU

“To fakatu ai he Atua he lagi e kautu nakai fakaoti tukulagi.”​—Tanielu 2:44.

“Kua foaki mai ma tautolu e tama tane, ha ha he ua hana e pule.”​—Isaia 9:6.

KAKANO HE MENA IA MA HAAU

• Ko e fakatufono tututonu ka aoga ki a koe.​—Isaia 48:17, 18.

• He lalolagi foou i mua, to moua e moui mitaki katoatoa mo e fiafia.​—Fakakiteaga 21:3, 4.

TALITONU MOOLI KIA A TAUTOLU KE HE MENA NE TALAHAU HE TOHI TAPU?

Ē, he ua e kakano:

• Fakakite e Iesu e mena ka taute he Kautu he Atua. Fakaako e Iesu e tau tutaki haana ke liogi ke hoko mai e Kautu he Atua mo e ke eke e finagalo he Atua ke he lalolagi. (Mataio 6:9, 10) Fakatātā e Iesu e puhala ka tali e liogi ia.

  He nofo he lalolagi, ne fagai e Iesu a lautolu ne hoge, fakamalolō a lautolu ne gagao, mo e fakamomoui e tau tagata ne mamate! (Mataio 15:29-38; Ioane 11:38-44) Ha ko e Pule anoiha he Kautu he Atua, ne foaki e Iesu e fakakiteaga fulufuluola he mena ka taute he Kautu ia ma e tau tagata.​—Fakakiteaga 11:15.

• Fakamooli he tau tuaga he lalolagi to hoko vave mai e Kautu he Atua. Talahau tuai e Iesu ato tamai he Kautu e mafola ke he lalolagi, to matematekelea e lalolagi ha tautolu he tau felakutaki, tau hoge, mo e tau mafuike.​—Mataio 24:3, 7.

  Kitia e tautolu e tau tuaga ia mogonei. Ti maeke ia tautolu ke mauokafua to fakaotioti mafiti he Kautu he Atua e tau lekua oti ia.