Fakakakano e Kupu Tohi Tapu ke Maama

Gahua 17:2, 3

MENA KE TAUTE: Ua totou noa e kupu Tohi Tapu ti holo atu ke he taha manatu. Eketaha ke kitia mitaki he tau tagata fanogonogo e matutakiaga he kupu Tohi Tapu ne totou e koe mo e manatu ne talahau e koe.

PUHALA KE TAUTE AI:

• Mailoga e tau matapatu kupu. Ka oti e totou he kupu Tohi Tapu, fakakite e tau kupu ne matutaki mo e matapatu manatu haau. Maeke a koe ke taute e mena nei ne fatiaki e tau kupu po ke hūhū e hūhū kua uiina e tau tagata fanogonogo haau ke mailoga e tau matapatu kupu.

• Peehi e manatu. Ka talahau e koe e kupu Tohi Tapu mo e kakano ne totou, fakamaama e puhala he tau matapatu kupu he kupu Tohi Tapu kua matutaki ke he kakano ia.

• Fakamukamuka e tau manatu haau. Kalo kehe he talahau e tau manatu ne nakai felauaki mo e matapatu manatu. Fakavē ke he mena ne fitā he iloa he tau tagata fanogonogo haau ke he matakupu, fifili falu vala tala kua lata ke maama mitaki he tau tagata fanogonogo haau e manatu.