Mafanatia mo e Loto Fakaalofa

1 Tesalonia 2:7, 8

MENA KE TAUTE: Vagahau mo e logonaaga mooli, ti fakakite ke he tau tagata fanogonogo haau kua manatu e koe a lautolu.

PUHALA KE TAUTE AI:

• Manamanatu ke he tau tagata fanogonogo haau. Tauteute e loto haau ke fakamanatu ki a koe e tau lekua ne fehagai mo lautolu. Lali ke maama e tau logonaaga ha lautolu.

• Fifili fakamitaki e tau kupu haau. Eketaha ke fakahauhau, atihake, fakamalolō e tau tagata fanogonogo. Kalo kehe he tau talahauaga ne fakaita teao a lautolu, ti ua vagahau fakahanoa hagaao ki a lautolu ne nakai talitonu ki a Iehova po ke tau mena ne taofi mooli a lautolu ki ai.

• Fakakite e fiafia haau. He leo totonu mo e latatonu e tau fakagahuaaga, fakakite ke he tau tagata fanogonogo haau kua manatu mooli e koe a lautolu. Mataala ke he foliga haau; ti mamali tumau.