FAKAAKOAGA 11

Fakamakutu

**Roma 12:11, NW: “Kia puke he agaaga.”**

MENA KE TAUTE: Fakalagalaga e tau tagata fanogonogo haau ke he puhala vagahau.

Putoia e loto haau. Ka tauteute a koe ke talahau e fakataitaiaga, manamanatu fakahokolu ke he aoga he fekau haau. Lali ke iloa mitaki e vala tala haau ke maeke a koe ke vagahau mai he loto.
Manamanatu ke he tau tagata fanogonogo haau. Manamanatu fakalahi ke he aoga he vala tala ka totou po ke fakaako e koe ke he falu. Onoono ke he tau puhala ke talahau e vala tala ka fakahokulo e loto fakaaue he tau tagata fanogonogo.
Vagahau mai he loto. Vagahau fakamakutu. Fakaaoga e tau fakagahuaaga mukamuka mo e fofoga ke fakakite e tau logonaaga mooli haau.

Mataala ke nakai fakatauhele e tau tagata fanogonogo ka fakaaoga tumau e puhala ke tuga e aga fa mahani. Fakaaoga e tau fakagahuaaga ne tatai ke he mena ne vagahau e koe. Kia fai kakano e fakagahuaaga haau. Fakakite e fakamakutu, mua atu ka fakaako e tau matapatu manatu mo e fakalagalaga e tau tagata fanogonogo ke taute e taha mena. Ua fakalolelole e tau tagata fanogonogo he lahi e fakamakutu he lauga haau.