Ko e Matakainaga Foou he Kau Fakatufono

He pogipogi Lotu ia Sepetema 5, 2012, ne fakailoa ai ke he magafaoa Peteli he tau Faahi Kaufakalataha mo Kanatā. Ia Sepetema 1, 2012, ne kamata a Mark Sanderson ke fekafekau he Kau Fakatufono.

Ne feaki hake e Matakainaga Sanderson i San Diego, California i U.S.A., he tau mamatua Kerisiano haana ti papatiso ia Fepuari 9, 1975. Ne kamata paionia a ia i Saskatchewan i Kanatā, ia Sepetema 1, 1983. Ia Tesemo 1990, ne kautū mai a ia he vahega ke fituaki he Aoga Fakaako Fekafekau (higoa mogonei ko e Aoga Tohi Tapu ma e Tau Matakainaga Taane Nofo Tokotaha) he tau Faahi Kaufakalataha. Ne kotofa e Matakainaga Sanderson ke fekafekau ko e paionia pauaki he aelani ko Newfoundland i Kanatā, ia Aperila 1991. Fai magaaho he eke a ia mo leveki takaiaga he tuipū, ne uiina a ia ke eke mo taha he magafaoa Peteli i Kanatā ia Fepuari 1997. Ia Novema 2000, ne hiki a ia ke he la ofisa he tau Faahi Kaufakalataha ti gahua a ia he Fakatonuaga Fekau he Fale Gagao mo e fai magaaho ti gahua he Faahi Gahua he Fekafekauaga.

Ia Sepetema 2008, ne fakalataha e Matakainaga Sanderson ke he Aoga ma e Tau Tagata he La Komiti ti eke fakamui mo matakainaga he La Komiti i Filipaina. Ia Sepetema 2010, ne uiina a ia ke liu ke he tau Faahi Kaufakalataha kua eke a ia mo lagomatai ke he Komiti Fekafekau he Kau Fakatufono.