TAU HŪHŪ TOHI TAPU KUA TALI
Kua aoga fēfē e mate ha Iesu ki a tautolu?
He magaaho ne tufuga he Atua e tau tagata, ne finagalo a ia ke momoui tukulagi e tau tagata he lalolagi mo e nakai matematekelea he gagao po ke mate. Ka ko e tagata fakamua ko Atamu, ne nakai omaoma ke he Tufuga ti galo e amaamanakiaga he moui tukulagi. Ha ko e tau hologa ha Atamu, ne moua e tautolu e mate mai ia ia. (Roma 5:8, 12; 6:23) Ko e Atua mooli ko Iehova, ne fakafano mai e Tama haana ko Iesu ke he lalolagi ke mate mo e liuaki mai e mena ne galo ia Atamu.—Totou Ioane 3:16.
Mate a Iesu ke maeke e tau tagata ke moui tukulagi. To fakatino fēfē e koe e moui nakai fai fakaotiaga he lalolagi?
Maeke he mate ha Iesu ke fakamagalo e tau agahala ha tautolu mo e moua e moui nakai fai fakaotiaga. Fakamaama he Tohi Tapu e fakatino he moui he lalolagi ka nakai liu a tautolu ke lauia he fuakau, gagao mo e mate.—Totou Isaia 25:8; 33:24; Fakakiteaga 21:4, 5.
Lata ke manatu fēfē e tautolu e mate ha Iesu?
Ko e afiafi to mate a Iesu, ne tala age a ia ke he tau tutaki haana ke manatu e mate haana puhala he fakamanatuaga mukamuka. Ko e fakamanatuaga he mate ha Iesu he puhala ia he tau tau takitaha kua maeke ia tautolu ke manamanatu fakahokulo ke he lahi mahaki he fakaalofa ha Iesu mo e Atua ma e tau tagata.—Totou Luka 22:19, 20; 1 Ioane 4:9, 10.