Ko e Heigoa ne Talahau he Tohi Tapu?

Ko hai po ke heigoa e Tiapolo?

TO PEHĒ KIA A KOE Tiapolo ko e . . .

• Mena moui fakaagaaga?

• Fakamailoga he tau mena kelea muitui i loto he tagata?

• Mena ne moua mai he tau manatu he tagata?

TALAHAU HE TOHI TAPU

Ne fakatutala e Tiapolo mo Iesu ti “kamatamata” he Tiapolo a Iesu. (Mataio 4:1-4) Ti nakai ko e mena fakatai e Tiapolo, po ke fakamailoga noa ni he kelea muitui. Ko ia ko e mena moui fakaagaaga ne mahani kelea.

KO E HEIGOA FOKI HA TAUTOLU KA FAKAAKO MAI HE TOHI TAPU?

• He kamataaga ko e Tiapolo ko e agelu tapu, ka e “nakai tumau ni a ia ke he mena moli.” (Ioane 8:44) Ne pikopiko a ia mo e totoko ke he Atua.

• Ne fakalataha foki e falu agelu ke he totokoaga ha Satani.​—Fakakiteaga 12:9.

• Kua fakapouli he Tiapolo e tau tagata tokologa ke he tuaga mooli haana.​—2 Korinito 4:4.

Maeke nakai e Tiapolo ke takitaki e tau tagata?

PEHĒ FALU TAGATA ko e takitaki he Tiapolo ko e mena fakavai, ka kua matakutakuina e falu neke hufia he tau agaaga kelea. Fēfē e manatu haau?

TALAHAU HE TOHI TAPU

“Ko e lalolagi oti ha he pule hana kua mahani kelea.” (1 Ioane 5:19) Lahi e fakaohoohoaga he Tiapolo ke he tau tagata, ka e nakai takitaki e ia e tau tagata oti kana.

KO E HEIGOA FOKI HA TAUTOLU KA FAKAAKO MAI HE TOHI TAPU?

• Ne fakavaivai e Tiapolo ti lahi e fakaohoohoaga haana.​—2 Korinito 11:14.

• He falu magaaho, maeke he tau agaaga kelea ke hufia e tau tagata.​—Mataio 12:22.

• Mo e lagomataiaga he Atua, maeke ia koe ke kautu he “totoko atu . . . ke he tiapolo.”​—Iakopo 4:7.