Ko e Heigoa ne Talahau he Tohi Tapu?

Ko e heigoa a Amaketo?

Talitonu falu tagata . . .

ko e moumouaga he lalolagi katoa ha ko e tau kanavaakau niukilia po ke malona e takatakai motu. Fēfē e manatu haau?

Talahau he Tohi Tapu

Ko Amaketo ko e matakavi fakatai “ke tau ke he aho lahi he Atua mana,” ko e tauaga haana ke he tau tagata mahani kelea.​—Fakakiteaga 16:14, 16.

Ko e heigoa foki ha tautolu ka fakaako mai he Tohi Tapu?

• Ko e Atua ka tau he tauaga i Amaketo, nakai ke moumou e lalolagi ka ko e fakahao mai he moumouaga he tagata.​—Fakakiteaga 11:18.

• Ko e tauaga i Amaketo ka fakahiku ai e tau felakutaki oti kana.​—Salamo 46:8, 9.

Maeke nakai ke hao mai he tauaga i Amaketo?

Ko e heigoa haau ka talahau?

• Ē

• Nakai

• Liga

Talahau he Tohi Tapu

“Ko e moto tagata tokologa” mai he tau motu oti ka hao he “matematekelea lahi,” nukua fakahiku aki e tauaga i Amaketo.​—Fakakiteaga 7:9, 14.

Ko e heigoa foki ha tautolu ka fakaako mai he Tohi Tapu?

• Manako e Atua ke tokologa ka hao mai i Amaketo. Kua moumou ni e ia e tau tagata mahani kelea ko e fifiliaga fakahiku haana.​—Esekielu 18:32.

• Fakamaama he Tohi Tapu e puhala ke hao mai i Amaketo.​—Sefanaia 2:3.