Puha Huhu

◼ Lata kia he tau tagata fakamatala papatiso oti ke fakapuke e tau lautohi he levekiaga he malolo tino ne fakafano atu he Sosaiete ke he tau fakapotopotoaga katoa ia Tesemo 1999?

“Ko e vaha mo e tau mena ke tutupu ai” ne fa fakalutukia aki a tautolu oti ke he tau tuaga ne kamatamata ai e mahani hakohako ha tautolu ki a Iehova. (Fakama. 9:11) Ka tauteute tuai ma e tau mena vihi pihia to matuku hifo e tau lagatau a Satani ma tautolu ke fakahui. (Fakatai 22:3; 1 Pete. 5:8) Ko e tau mena fakaofo fakaekekafo ne tutupu ai kua totoko aki e fifiliaga ha tautolu ke “fakamamao . . . mo e toto” ko e taha fakataiaga he tau lagatau omoi ia Satani ke he mahani hakohako ha tautolu.​—Gahua 15:28, 29.

Ke lagomatai ai a tautolu he tau magaaho fakaekekafo pihia, kua fakafano ke he tau fakapotopotoaga oti i Niu Silani e pega lautohi he Health-Care Directive mo e he Enduring Power of Attorney mai he Faahi Matafakatufono he Sosaiete ia Tesemo 1999. He fakaaoga ai e tau fakafiliaga ne lata, kua fakatoka tuai he tau lautohi nei e tau mena fakaofo fakaekekafo kua fakamaama na i luga ke fakatonutonu atu ke he tau matafakatufono ha ko e tau iki fakafili mo e tau loea he tau falegagao ne fa fakafili po ke totoko ki a tautolu ha kua nakai talia e toto. Lafi ki ai, ha i ai he tau lautohi nei e tau fakailoaaga fakamatafeiga fakaekekafo hagaao ke he tau vala kehekehe he toto, he levekiaga nakai fai toto, mo e tau fifiliaga ke fakaoti e moui.

Lata kia he tau tagata fakailoa oti ke fakapuke e tau lautohi Health-Care Directive mo e he Enduring Power of Attorney? Ne pehe mai he tohi ia Tesemo 20, 1999 ke he tau fakapotopotoaga oti, “kua nakai fakamakamaka ke he tau tagata fakamatala ke fakapuke e tau lautohi nei.” Ha ko e mena ia, kia igatia a tautolu mo e fifili ni he tagata e mena nei. Pete ia, kaeke ke fifili fakailoilo hagaao ke he fakatokaaga nei mai he Sosaiete, kia manamanatu fakaeneene po kua maopoopo nakai e tau mena ha tautolu ne lata ke taute ke taofi ai e tautolu a tautolu he fagaiaga toto ti nakai holifono e lilifu he Atua.​—Fakatai 9:9.

He fakailoa mai he tohi ia Tesemo 20, 1999 maeke he tau tagata fakamatala ke moua e tau lautohi nei mo e fakatonuaga ne ha i ai e tau huhu mo e tau tali he tohikupu he fakapotopotoaga ha lautolu.