Puha Huhu

◼ Ko e ha ne aoga e tau tagata fanogonogo ke veveu ke he tau kupu Tohi ka uiina mai he gutuvagahau?

Falu mena tuga e talahauaga ke fakatutala po ke totou kupu ke he kupu e vala Kupu he Atua ka fifili ko e fiha e kupu Tohi ka uiina ke he tau tagata fanogonogo ke veveu.

Kua aoga ke tokaloto ko e kakano ne kumikumi e tau kupu Tohi Tapu ko e puhala ke fakamoli e mena ne talahau tonuhia mai he Tohi Tapu. (Gahua 17:11) Taha foliaga foki ke kumikumi e talahauaga he Tohi Tapu ke lago e mena ne fakatutala ti fakamalolo e tua he tau tagata oti. He kitia tonu e mena ne talahau mai he Tohi Tapu ka totou e kupu tohi to peehi fakafahiua e loto. Lafi mo e kumi ke he tau kupu Tohi, kua aoga lahi ke fakamau hifo e tau manatu mo e matutaki ke he holoaga he tau manatu ne talahau.

Pete kua loga e tau kupu Tohi ne fakahoko mai he lauga he Sosaiete ke taute fakapapahi, kua foaki e mena nei ke aoga e gutuvagahau, ke lagomatai a ia ke he hana tauteuteaga. Kua foaki he mena nei e falu fakailoaaga mo e lagomatai a ia ke mauloto hifo e tau matapatu fakaakoaga he Tohi Tapu mo e maama e puhala ke taute fakapapahi e lauga. Kua fifili he gutuvagahau e tau kupu kua lata ke taute fakapapahi e lauga mo e uiina e tau tagata fanogonogo ke totou auloa he totou e tau kupu ia mo e fakamaama. Falu kupu foki ne fakalago ke he lauga kua lata ke tokutoku ka e fakaku, ka e ai lata ke veveu.

Ka totou he gutuvagahau e tau kupu ne fifili, kua totou tonu mai ni e ia he Tohi Tapu, nakai mai he laulomi he komopiuta. Kaeke uiina he gutuvagahau e tau tagata fanogonogo ke totou auloa, ti talahau fakamaali e ia e tohi he Tohi Tapu, e veveheaga, mo e (tau) kupu. Ka ati e huhu po ke talahau fakaku e kakano he kupu ne totou, kia fakamaoki ke fakata e ia e tau tagata fanogonogo ke veveu e kupu Tohi. Ke liu fatiaki e kupu ko e puhala ke lagomatai foki e tau tagata fanogonogo ke mauloto e hagaaoaga. Ka e, nakai lata ke totoku e numera he lautohi, tali kua kehekehe e tau faga Tohi Tapu ne fa fakaaoga he tau tagata fanogonogo. Ke veveu ke he tau kupu Tohi ne uiina mai kua lagomatai e tau tagata fanogonogo ke aoga mai he malolo he Kupu he Atua tuga ne fakamaama mai he lauga.​—Hepe. 4:12.