Tau Fakamanatu ke he Fakamanatuaga

Kua fakahoko e Fakamanatuaga he tau nei ke he Aho Tapu, ia Aperila 8. Kua lata e tau motua ke kikite e tau mena na ne fakatokatoka atu:

◼ Ke fakamau e magaaho he feleveiaaga, kia mailoga fakamitaki kua nakai maeke ke fakahoko e tau mena fakatai ato to e laa.

◼ Kua lata ke fakailoa ke he tau tagata oti, fakalataha mo e tagata ke lauga, e magaaho tonu ke taute e fakamanatuaga mo e matakavi.

◼ Kua lata ke moua mo e toka mau tauteute e areto ne lata mo e uaina.​—Kikite e Watchtower, ia Fepuari 15, 1985, lau 19.

◼ Kua lata ke tamai e tau kapiniu lapalapa, tau kalase, mo e laulau ne lata mo e ie laulau ti faliki mo e fakatokatoka fakamua i loto he fale.

◼ Kua lata ke fakamea fakamitaki tuai e Fale he Kautu po ke taha fale feleveiaaga foki.

◼ Kia kotofa fakamua e tau fekafekau mo e tau tagata ke lagomatai ti fakaako age e tau fekau ke taute mo e puhala hako ma lautolu ke taute ai.

◼ Kia taute e tau fakatokatokaaga ke lagomatai ai a lautolu ne fakauku ne nakai malolo ti nakai maeke ke fakalataha auloa.

◼ Kaeke kua loga e fakapotopotoaga ne setulu ke fakaaoga e Fale he Kautu, kua lata i ai he tau fakapotopotoaga ke gahua auloa ke nakai fakaapiapi noa e avaloa po ke gutuhala he fale, tau kauhala i fafo, mo e tau tokaaga motoka.