Tau Fakamanatu ma e Fakamanatuaga

To fakahoko e Fakamanatuaga he tau nei ke he Aho Tuloto, ia Mati 28. Kua lata e tau motua ke kikite e tau mena nai ne fakatokatoka atu:

◼ Ke fakamau e magaaho he feleveiaaga, kia mailoga fakamitaki kua nakai maeke ke fakahoko e tau mena fakatai ato to e la.

◼ Kua lata ke fakailoa ke he tau tagata oti, fakalataha mo e tagata ka lauga, e magaaho tonu mo e matakavi ka taute e fakamanatuaga.

◼ Kia moua mo e mau tauteute e areto mo e uaina kua latatonu.​—Kikite e Watchtower, ia Fepuari 15, 1985, lau 19.

◼ Kua lata ke tamai tuai ke he fale mo e fakatokatoka e tau kapiniu lapalapa, tau kalase, mo e laulau mo e faliki laulau ne latatonu.

◼ Kua lata ke fakamea fakamitaki tuai e Fale he Kautu po ke taha fale feleveiaaga foki.

◼ Kia kotofa tuai e tau fekafekau mo e tau tagata ke lata mo e tau matagahua ha lautolu, mo e fakatokaaga kua tonu ke muitua ki ai, mo e lata ke he tau tapulu mo e tauteuteaga lilifu.

◼ Kia taute e tau fakatokatokaaga ke lagomatai ki a lautolu ne fakauku kua nakai malolo mo e nakai maeke ke fakalataha auloa.

◼ Kaeke kua loga e fakapotopotoaga ne setulu ke fakaaoga e Fale he Kautu, kua lata he tau fakapotopotoaga ke gahua auloa ke nakai fakaapiapi e ava ke hu atu po ke gutuhala, tau hala o hui, mo e ke he tau tuaga motoka.