Kitekiteaga Mai he Vitio The Bible—Its Power in Your Life
Ke tali e tau huhu ne fakatoka atu, talahau la e tau manatu mai he loto fakaaue hau ke he tau mena ne ha ha i ai he vitio nei. (1a) Heigoa kua fakamalolo aki e tau miliona tagata ke liu hiki e tau momoui ha lautolu ke he puhala mitaki? (Hepe. 4:12) (1e) Heigoa ne lata ke vevete aki e malolo nei ti fakagahuahua ke he moui he tagata? (2) Ko e tau kupu fe he Tohi Tapu ne uku ke lagomatai e tau hoa he fakamauaga ke (a) mahomo atu e tau puhala fakafetuiaga ha laua mo e (e) fakalatalata ha laua a tau mahani totoko? (3) Maeke fefe e onoonoaga faka-Kerisiano ke fakamahomo atu e moui he magafaoa? (Efeso 5:28, 29) (4) Kua fakatoka fefe e Iehova ko e Atua e fifitakiaga mitaki katoatoa ma e tau fanau oti tolu e mena ne mitaki mo e lata lahi, ti maeke fefe e tau mamatua he vaha nei ke fifitaki foki? (Mareko 1:9-11) (5) Kua ha ne lata ma e tau mamatua ni ke fakaako e lautolu e Tohi Tapu ke he tau fanau ha lautolu, ti heigoa ne kitia kua lata ke fakatumau mo e taute? (Teu. 6:6, 7) (6) Maeke fefe e tau mamatua ke taute mo e fakaalaala e tau fakaakoaga he magafaoa? (7) Nakai ni he fakaakoaga he Tohi Tapu, ka e heigoa foki ne omoomoi he Kupu he Atua ke taute he tau mamatua ma e tau fanau ha lautolu? (8) Maeke fefe e tau tomatomaaga he Tohi Tapu ke lagomatai e tau magafaoa ke hao mitaki he tau mena fakatupe? (9) Ka fakagahuahua, heigoa e tau matapatu fakaakoaga he Tohi Tapu ne lagomatai ke fakatote hifo e tau lekua he tino? (10) Ti kua maeke fefe e tau matapatu fakaakoaga he Kupu he Atua ke fakahomo e moui ni hau? (11) Kua maeke fefe he vitio nei ke fakamalolo e taha ne fakamatala atu ki ai a koe ke talia e fakaakoaga Tohi Tapu he kaina?