The Bible​—Its Power in Your Life

Lagomatai he Tohi Tapu e tau miliona tagata ke hiki e tau momoui ha lautolu ke laukauka. Ko e heigoa falu matapatu fakaakoaga Tohi Tapu ka fakagahua, to lagomatai a tautolu ke kautū ke he tau lekua he vahā nei? To moua mooli e koe e tali ke he hūhū nei he onoono ke he The Bible​—Its Power in Your Life, he vitiō ke uaaki he tau vitiō ne tolu ne ha ha he DVD The Bible​—A Book of Fact and Prophecy. He oti e kitekite ke he vitiō nei, maeke nakai a koe ke tali e tau hūhū nei?

(1) Eke fēfē e Tohi Tapu mo tohi kua mua ue atu? (Hepe. 4:12) (2) Ka lagomatai he Tohi Tapu e tau tagata ke fakaholo ki mua e tau momoui ha lautolu, ko e ha ne loga lahi e tau lekua ne fakamamahi e tau tagata? (3) Ko e heigoa e matapatu matakupu he Tohi Tapu? (4) Ko e tau kupu Tohi Tapu fe he DVD ka lagomatai e tau hoa mau ke (a) holo ki mua e matutakiaga ha laua mo e (e) tautaofi e ita ha laua? (5) Maeke fēfē e onoonoaga faka-Kerisiano he fakamauaga ke hiki e moui magafaoa ke laukauka? (Efeso 5:28, 29) (6) Fakatoka fēfē e Iehova e fifitakiaga mitaki lahi mahaki ma e tau matua? (Mare. 1:9-11) (7) Maeke fēfē he tau matua ke taute e fakaakoaga fakamagafaoa ke fiafia? (8) He nakai ni fakaako Tohi Tapu, ko e heigoa foki ne fakalagalaga he Kupu he Atua e tau matua ke foaki ke he tau fanau ha lautolu? (9) Maeke fēfē he fakatonuaga he Tohi Tapu ke lagomatai e tau magafaoa ke kautū fakatupe? (10) Ka fakagahua, ko e heigoa e tau matapatu fakaakoaga he Tohi Tapu hagaao ke he mahani meā, fakaaoga hehē e tulaki mo e kava, mo e tupetupe, ka lagomatai ke fakatote hifo e tau lekua malolō tino? (11) Ko e heigoa e tau maveheaga he Tohi Tapu ka fakatumau a tautolu? (Iopu 33:25; Sala. 145:16) (12) Fai kehe fēfē e moui haau ha ko e tau fakaakoaga he Kupu he Atua? (13) Maeke fēfē a koe ke fakaaoga e vitiō nei ke lagomatai e falu?