Talahauaga Hagaao ke he Tau Mekasini

The Watchtower May 15

“He tau aho takitaha ne logona e tautolu e tau hokotaki he mahani vale. Manatu nakai a koe na fai mena pihia ne tutupu he vaha fakamua? [Fakaata ma e tali.] Mailoga la e mena ne talahau he Tohi Tapu. [Totou Mataio 24:37.] Ne kelea lahi e vaha ha Noa ti tatafi kehe he Atua e tau tagata oti ka e toe hifo ni a Noa mo e hana magafaoa. Fakakite mai he mekasini nei e puhala kua fai kakano e tau mena tutupu ia ma tautolu he vaha nei.”

Awake! May 22

“He vaha nei, ko e tau gagao mai he tau moko e taha he tau hagahagakelea loga ke he tau malolo tino ha tautolu. Iloa nakai e koe na fai puipuiaga ke taute e tautolu ke puipui aki a tautolu? [Fakaata ma e tali.] Fakatutala e mekasini nei ke he tau puipuiaga ia, pihia foki mo e maveheaga he Tohi Tapu ma e magaaho ka nakai fai gagao ai.” Fakaoti aki he totou Isaia 33:24.

Ko e Kolo Toko Iuni 1

“Ko e tau hokotaki he nakai leveki fakamitaki e tau fakaputuaga mena fakaalofa ne kua manamanatu ai e falu kua pulotu nakai ke foaki ke he tau gahua fakaalofa noa. Ka e, kua tokologa lahi e tau tagata kua manako lagomatai. Ko e heigoa he manatu e koe kua lata ke taute? [Fakaata ma e tali. Ti totou e Heperu 13:16.] Fakamaama mai he mekasini nei e puhala foaki ne talia he Atua.”

Awake! June 8

“Kua mailoga ai ko e tau tagata he vaha nai kua nakai tokiofa e tau aga mo e tau mahani mitaki ke tuga a lautolu he tau tau kua mole. Moli nakai e mena ia he kitia e koe? [Fakaata ma e tali.] Mailoga ai, ne taute he Tohi Tapu e fuafuaaga nei. [Totou 2 Timoteo 3:1-5.] Kua fakatutala e fufuta nei he Awake! ke he kakano he hikiaga he tau mena uho he tagata mo e mena ne fakatoka ma e anoiha.”