Talahauaga Hagaao ke he Tau Mekasini

Ko e Kolo Toko Aperila-Iuni

“Ne totoku he falu tohi na ai mate a Iesu tuga ne talahau he Tohi Tapu ka e pehē na faihoana ti fai fanau a ia. Kua logona nakai a koe he mena ia? [Fakaatā ma e tali.] Kua aoga lahi ke iloa e kupu mooli. [Totou Ioane 17:3.] Foaki he vala tala nei e tau kakano ke falanaki ke he tau mena ne talahau he Tohi Tapu hagaao ki a Iesu.” Fakakite e vala tala ne kamata he lau 26.

Awake! May

“Manatu nakai a koe to mitaki vave e tuaga fakatupe nei? [Fakaatā ma e tali.] Tokologa ne nakai mataala na maeke e Tohi Tapu ke lagomatai a tautolu he tau magaaho vihi pihia. [Totou e kupu tohi i loto he vala tala.] Fakakite he vala tala nei kua maeke e fakatonuaga he Tohi Tapu ke lagomatai a tautolu ke fahia he magaaho uka fakatupe.” Fakakite e vala tala ne kamata he lau 18.

Ko e Kolo Toko Aperila-Iuni

“Ka hūhū ke fifili e tagata ne mua atu e fakaohooho he fakamauaga tuai, tokologa ne talahau ko Iesu. Ko ia nakai ne fifili e koe? [Fakaatā ma e tali.] Mailoga e kakano kua lata ia tautolu ke iloa e tau talahauaga kehekehe hagaao ki a ia ke iloa e kupu mooli. [Totou Ioane 17:3.] Ko e fufuta pauaki nei he Ko e Kolo Toko kua fakakite e talahauaga mooli he Tohi Tapu hagaao ki a Iesu mo e haana tau fakaakoaga.”

Awake! June

“Tuga kua holo ki mua e tupetupe he moui. Talia nakai e koe? [Fakaatā ma e tali.] Tokologa ne logona hifo kua fakamaama he tau kupu nei e taha kakano he tupetupe lahi mahaki. [Totou 2 Timoteo 3:1.] Fakatutala e mekasini nei ke he puhala kua lauia a tautolu he tupetupe. Kua fakakite foki e falu puhala ka maeke a tautolu ke fakatotoka e tupetupe.”