Talahauaga Hagaao ke he Tau Mekasini

Ko e Kolo Toko Ianuari-Mati

“Manatu nakai a koe to mitaki e lalolagi ane mai momoui e tau tagata oti ke he matapatu fakaakoaga nei he Tohi Tapu? [Totou Roma 12:18. Ti fakaatā ma e tali.] Kua fa manamanatu nakai a koe mogoia, ko e ha e Atua ne poaki ke he tau tagata haana he vahā i tuai ke latau? Fakakite he vala tala nei e tali maaliali he Tohi Tapu.” Fakakite e vala tala ne kamata he lau 21.

Awake! February

“Talitonu falu tagata ke he Tufuga, ka e logona hifo e falu ko e taofiaga pihia kua nakai fakasaiene mo e nakai maama. Ko e heigoa e manatu haau? [Fakaatā ma e tali.] Hagaao ke he Tohi Tapu, kua fakavē e tua mooli ke he fakamooliaga. [Totou Heperu 11:1.] Fakatutala e vala tala nei ke he falu fakamooliaga ne hagaao ke he Tufuga.” Fakakite e vala tala ne kamata he lau 22.

Ko e Kolo Toko Ianuari-Mati

“Manatu nakai a koe ko e kakano anei ati kitia e tautolu e tau lekua loga lahi he lalolagi? [Totou 1 Ioane 5:19. Fakaatā ma e tali.] Fakakite he vala tala nei e mena ne talahau he Tohi Tapu hagaao ‘ki a ia ne mahani kelea’ mo e puhala ke kalo kehe a tautolu he fakaohoohoaga malolō haana.” Fakakite e vala tala he lau 13.

Awake! March

“Tuga e laulahi he tau tagata, liga kua nava a koe he fulufuluola he tufugatia. To talia nakai e koe ko e tufugatia kua fakakite foki e pulotu ne tufuga ai? [Fakaatā ma e tali. Ti totou Salamo 104:24.] Fakakite he mekasini nei e tau fakafifitakiaga fuluola he puhala ne tufuga kua kitia ke he tufugatia mo e fakatutala ke he tau mena kua fakaako he tau mena nei a tautolu.”