Talahauaga Hagaao ke he Tau Mekasini

The Watchtower Aug. 15

“Laulahi he tau tagata ne tokiofa e higoa mitaki. Manamanatu e falu ke he puhala ka manatu aki a lautolu ka momole atu. Kua manamanatu nakai a koe ke he mena ia? [Fakaata ma e tali. Ti totou Fakamatalaaga 7:1.] Kua fakatutala e The Watchtower ke he puhala ka moua aki e tautolu e higoa mitaki ke he tau tagata mo e Atua.”

Awake! Aug. 22

“Kaeke ko koe po ke taha he magafaoa hau kua fehagai mo e mahani hemu, kua iloa e koe e fakatupetupe he mena ia. [Fakaata ma e tali.] Kua foaki mai he fufuta nei he Awake! e tau vala tala aoga ma e tau tagata ne lauia noa he mahani hemu. Kua fakatutala foki ke he maveheaga he Atua ke he magaaho ka ataina katoatoa e moui mai he tau lekua pehenei.” Totou Mika 4:4.

Ko e Kolo Toko Sepe. 1

“Tokologa e tagata ne logona hifo ko e tau lotu kehekehe he tagata ko e tau lala kehekehe a ia ne takitaki atu ke he taha ni e foliaga. Ko e falu ne taofi na taha ni e lotu moli. Kua manamanatu nakai a koe ke he mena nei? [Fakaata ma e tali.] Ko e mekasini nei ne kumikumi ke he tala fakatai i tuai ne fakamaama hagaao ke he huhu nei.” Talahau fakatoto e Mataio 13:24-30.

Awake! Sept. 8

“Kua malolo lahi e fakaohoohoaga he tau fasone ke he tau momoui he tokologa he tau tagata he vaha nei. Falu kua logona hifo kua lahi e peehi ke he tau mena tui mo e kitiaaga ke he tau foliga ha lautolu. Ko e heigoa e manatu hau? [Fakaata ma e tali.] Kua fakatoka mai he Awake! e onoonoaga lagotatai ke he tau fasone.” Totou Kolose 3:12.