Talahauaga ke he Tau Mekasini

The Watchtower Aug. 15

“He vaha nei, kua kumi tomatomaaga e tau tagata ke he loga e punaaga ma e fakamauaga mo e feaki he tau fanau. Moua i fe e tau tomatomaaga kua mua e mitaki he manatu e koe? [Fakaata ma e tali.] Ko e fufuta nei he The Watchtower kua fakatutala ke he falu tomatomaaga pulotu ke he moui magafaoa ne foaki mai he Tufuga he tagata.” Totou Salamo 32:8.

Awake! Aug. 22

“Aoga fefe he manatu e koe e tau matua tane ke putoia ke he tau momoui he tau fanau ha lautolu? [Fakaata ma e tali.] Ko e fufuta nei he Awake! kua fakatutala ke he lekua kua tupu lahi he nonofo kehe e tau matua tane. Fakamaama foki e puhala kua maeke he matua tane ke lauia mitaki ke he tau fanau ha lautolu.” Totou Tau Fakatai 13:1.

Ko e Kolo Toko Sepe. 1

“Manako oti a tautolu ke fiafia. Manatu nakai a koe ko e tau mena ne tokutoku mai he mena nei ka tamai moli e fiafia? [Totou Mataio 5:4a, 6a, 10a. Ti fakaata ma e tali.] Kua fakamaama mai he mekasini nei e kakano he tau kupu he Lauga talahaua he Mouga mo e fakatutala ke he falu mena foki ke moua e fiafia.”

Awake! Sept. 8

“Kua fuafua ko e 1 mai he 4 e tagata ka matematekelea he gagao e manamanatuaga he taha magaaho he tau momoui ha lautolu. Tokologa ia tautolu kua fai tagata ne iloa he matematekelea pihia. [Veveu ke he vala tala.] Kua foaki mai he vala tala nei e tau manatu lagomatai ke he mena ka taute e tautolu kaeke fai tagata ne ofania e tautolu kua pihia.”