Talahauaga Hagaao ke he Tau Mekasini

The Watchtower Feb. 15

“Tokologa e tagata kua tupetupe ha ko e tau mena kelea ne kua taute he higoa he lotu. Kua logona hifo he falu ko e lotu e vaka he tau lekua he tagata. Kua fa manamanatu nakai a koe ke he mena nei? [Fakaata ma e tali. Ti totou e Fakakiteaga 18:24.] Kumikumi he mekasini nei e talahauaga he Tohi Tapu ke he matakupu nei.”

Awake! Feb. 22

“Tokologa e tagata ne fiafia ke ako hagaao ke he tau manu, ti kua olioli e falu he taute a lautolu mo manu fao. [Fakaata ma e manatu fakakite.] Fakatutala he mekasini nei e falu he tau paleko he fai manu fao. Fakamaama foki e maveheaga he Atua ke he magaaho ka nonofo mafola e taha manu mo e taha manu mo e tagata.” Totou Isaia 11:6-9.

Ko e Kolo Toko Mati 1

“Tokologa e tau tagata ne manamanatu na maeke nakai e tau Kerisiano ke kaufakalataha he lalolagi mavehevehe he vaha nei. Manatu nakai a koe to maeke e kaufakalataha faka-Kerisiano? [Fakaata ma e tali.] Kua fakakite he Tohi Tapu e onoonoaga he Atua. [Totou 1 Korinito 1:10] Fakatutala e mekasini nei ke he fa e matapatu puhala ne kaufakalataha ai e tau Kerisiano moli he fifitaki ki a ia ne fakatu e faka-Kerisiano, ko Iesu Keriso.”

Awake! Mar. 8

“He taha magahala, tokologa e tagata ne nonofo matakutaku ha ko e felakutaki niukilia. Manatu nakai a koe to liga hoko e felakutaki niukilia he vaha nei? [Fakaata ma e tali.] Kua kumikumi he mekasini nei e tau mena tutupu mogonei ne kua fakatupetupe ki a tautolu oti. Fakamaama foki e maveheaga he Tohi Tapu ke he lalolagi ka eke e matakutaku mo mena kua mole.” Totou Sefanaia 3:13.