Talahauaga Hagaao ke he Tau Mekasini

The Watchtower Feb. 15

“Kua logona hifo he falu tagata kua moumou he tagata e lalolagi. Fa tupetupe nakai a koe ke he mena ia? [Fakaatā ma e tali.] Mailoga e maveheaga mafanatia nei. [Totou e Fakakiteaga 11:18.] Kua tohi mai he mekasini nei e tau vala tala ne kehe lahi ai e palaneta nei. Kua fakakite mai foki e talahauaga he Tohi Tapu ke he tuaga he lalolagi anoiha.”

Awake! Feb.

“Liga manatu nakai a koe ko e kakano nei ati kitia e tautolu e tau lekua loga lahi he lalolagi? [Totou 1 Ioane 5:19. Ti fakaatā ma e tali.] Kua fakakite mai he vala tala nei e talahauaga he Tohi Tapu hagaao ke he matahigoa ‘hana kua mahani kelea’ mo e puhala ke kalo mai he fakaohoohoaga malolō haana.” Fakakite e vala tala ne kamata he lau 12.

Ko e Kolo Toko Mati 1

“Tokologa e tau tagata ne logona hifo kua takitaki atu oti e tau lotu ke he Atua. Aoga nakai e lotu ne fifili he tagata, he manatu e koe? [Fakaatā ma e tali.] Mailoga e tomatomaaga nei. [Totou 1 Ioane 4:1.] Kua fakatutala he mekasini nei e puhala ke maeke ia tautolu ke kamatamata e tau fakaakoaga ke kitia kua mai ia he Atua. Kua fakamaama foki e kamataaga he tau lotu kehekehe.”

Awake! Mar.

“Ko e heigoa he manatu e koe e falu paleko ne fehagai mo e tau fuata he vahā nei? [Fakaatā ma e tali.] Kua fakakite mai he kupu nei taha e paleko—ko e moua e tau kapitiga hako. [Totou Tau Fakatai 13:20.] Kua fakatutala e mekasini nei ke he hagahagakelea he fakaaoga e Internet ke kumi e tau kapitiga mo e puhala ke puipui mai ai e tau fuata.”