Foakiaga Fou ke Lagomatai a Tautolu ke Fakamamao Mai he Toto
Kua talia he Kau Fakatufono ke lafi e tau vala aoga lahi he Health Care Directive (HCD) mo e laupepa Advance Medical Directive/Release ke he taha e tohi matafakatufono, to hagaao a tautolu ki ai ko e laupepa HCD.
Ko e laupepa HCD to nakai lata ke fakafou tumau mo e to eke ai mo talahauaga he tau manako hau ka fano fenoga a koe ke he tau motu kehe. He magaaho i mua, kua lata ia koe ke fakapuke e laupepa HCD fou kaeke (1) lata a koe ke taute ha hikiaga ke he laupepa HCD hau, tuga ka hiki e tau manako hau, tau tagata ke matutaki ki ai, tau higoa he kaina, tau numera telefoni, po ke (2) ka galo po ke malona e laupepa HCD hau.
Ko e laupepa HCD kua lata ke manamanatu ki ai he liogi mo e fakapuke fakamitaki i kaina. Ka e, ato saini e laupepa, kua aoga ke muitua fakamitaki ke he tauteaga matafakatufono. Ma e fakatai, ha kua tokoua e tagata fakamoli kua lata ke kitia a koe he saini e laupepa HCD hau, kua lata ia laua ke kitia a koe he saini ai. Lata ke tau fakakia he leveki aoga a lautolu ne nakaila fakapuke ia e tau laupepa fou ha lautolu neke manako lagomatai a lautolu.
Ato pepelu e laupepa HCD, kia fotokopi fakapuni mitaki ma e tau tagata ka hea mua ki ai mo e falu foki, mo e ekekafo, pihia ma e tau fakamauaga ni hau. Liga manako foki a koe ke age falu lagaki ke he falu he magafaoa mo e tohikupu he fakapotopotoaga. Kua lata e tau lagaki ke taha ni e fahi he laupepa A4, ti lagaki ke he loto uho tonu he laupepa ia. Ko e lau original he HCD, nakai ko e lau fotokopi, kua lata ke toka tumau mo koe.
Ko e Identity Card ne tu ai e aho 3/99 ma e tau fanau ne nakaila papatiso he tau mamatua Fakamoli ne nakaila hiki ia. Kua lata e tau mamatua ke kitia kua fakapuke katoa mo e saini e laupepa ma e tau fanau ikiiki oti ti uta he tama he tau magaaho kua lata.
Ko e tau tagata fakailoa ne nakaila papatiso ia ka liga hikihiki e puhala ne tohi aki e laupepa HCD mo e Identity Card ke maeke ke tohi e tau fakamaamaaga leveki tino ma lautolu mo e tau fanau ha lautolu. Kua lata e tohikupu ke age e laupepa HCD ma lautolu ka papatiso fou he magahala he tau.