Talahauaga Hagaao ke he Tau Mekasini

The Watchtower Jan. 15

“He tau tau ne mole laia, kua tupu lahi e manako ke iloa ke he tau agelu. Kua fa manamanatu nakai a koe ko hai a lautolu mo e lauia fēfē e tau momoui ha tautolu ha ko lautolu? [Fakaatā ma e tali. Ti totou Salamo 34:7.] Kua fakatutala e mekasini nei ke he talahauaga he Tohi Tapu ke he tau gahua he tau agelu​—he vahā kua mole, mogonei, mo e anoiha.”

Awake! Jan.

“Kua teitei he vahā nei ke fai vala tala ma e tau matakupu oti. Lahi fēfē e vala he tau mena ia ka falanaki a tautolu ki ai? [Fakaatā ma e tali. Ti totou 2 Timoteo 3:16.] Kua fakakite mai he fufuta nei he Awake! e kakano kua maeke ia tautolu ke onoono ke he Tohi Tapu ko e punaaga mauokafua he pulotu.” Fakakite e vala tala ne kamata he lau 18.

Ko e Kolo Toko Fepu. 1

“Manako oti a tautolu ke fai tupe ke moui ai. Ka e to talia nakai e koe kua lata ke puipui mai he hagahaga kelea ne talahau he vala nei? [Totou 1 Timoteo 6:10, ti fakaatā ma e tali.] Kua lagomatai he fufuta nei he Ko e Kolo Toko a tautolu ke kitia falu matahele aga mau he mautū ke he tau koloa tino mo e fakatutala foki ke he puhala ke kalo kehe mai ai.”

Awake! Feb.

“Tokologa ia tautolu ne fai he magafaoa mo e tau kapitiga ne kua momotua ti manamanatu a tautolu ke he tau puhala ke lagomatai aki a lautolu ke fehagai mo e tau paleko he momotua. Pihia nakai? [Fakaatā ma e tali.] Kua fakakite mai he mekasini nei e tau mena ka taute e tautolu ke maeke ia lautolu kua momotua ke fahia ai. Fakamaama foki e puhala ka fakamoli e perofetaaga nei.” Totou Iopu 33:25.