Fakaholoaga Foou he Aho Toloaga Pauaki
Ko e mataulu ma e fakaholoaga he aho toloaga pauaki he tau he fekafekauaga he 2008 “Ko Tautolu ko e Kelekele—Ko Iehova ha Tautolu a Eke Kapiniu Kelekele,” kua fakavē ke he Isaia 64:8. (NW) Ko e tomatoma faka-Tohiaga Tapu ne foaki mai puhala he fakaholoaga nei to fakatupu e loto fakaaue ha tautolu ma e pulotu, fakafili tonu, malolō, mo e fakaalofa ha Iehova ko e Eke Kapiniu Kelekele ne Mua.
Ko e lauga he leveki takaiaga, “Gahua ko e Tau Kapiniu Lilifu ke he Fekafekauaga,” to fakakite e numera lahi he tau tagata hane olioli e tau monuina loga he iloa e kupu mooli ti talahau atu ke he falu. Ko e lauga “To Puipui he Manamanatu Hokulo a Koe” ka fakakite e kakano lahi he manamanatu hokulo ke he tau matapatu fakaakoaga tututonu ha Iehova ka puipui a tautolu. Ko e tagata lauga ahiahi to tutala ke he toloaga ke he tau mataulu nei: “Aua Neke Mahani Foki a Mutolu Fakalataha mo e Lalolagi Nai” mo e “Kia Fakahakohako he Eke Kapiniu Kelekele ne Mua.” Ko e tau matua mo e tau fuata to moua e fakamalolōaga ke he tau vala “Tau Fuata kua Aoga kia Iehova” mo e “Matagahua Aoga he Tau Matua he Puhala Fakahakohako.” Puhala he tau fakatātāaga mo e tau hūhū tala, to fiafia a tautolu ke logona mo e kitia e tau mena hane taute he tau matakainaga ha tautolu ke he ha lautolu a fekafekauaga. Ko lautolu ne manako ke fakamailoga e tukulele ha lautolu ke he Atua he papatiso ke he vai kua lata ke fakailoa tuai ke he leveki fakapotopotoaga. Manatu ke tamai e lagaki haau he Ko e Kolo Toko ka fakaako he faahitapu he aho toloaga pauaki.
Ko e tau mena ne finagalo he Eke Kapiniu Kelekele ne Mua kua fakamooli ni. Ka ko tautolu takitokotaha ne kua lata ke fifili ko e tali atu fēfē ke he puhala ne fakahakohako e Ia a tautolu. Ko lautolu ne pulotu ke omaoma ke he tau tutūaga mo e tau feakiaga a Iehova, kua maeke ke tuga e vala kelekele i loto he lakuaga he tagata eke kapiniu kelekele, ne fakahakohako, fakakikila, ti fakahiku mo tau kapiniu aoga. Ka kau fakalataha a tautolu mo Iehova, kua fakamatalahi e tautolu e pule katoatoa haana ti moua e tau monuina loga.