Talahauaga Hagaao ke he Tau Mekasini

The Watchtower Aug. 15

“Manako au ke iloa e manatu haau ke he talahauaga nei. [Totou Heperu 3:4.] Talia nakai e koe kua lotomatala e Tufuga he lagi mo e lalolagi katoatoa? [Fakaatā ma e tali.] Ne kumikumi he mekasini nei kua tatai nakai e talitonu ke he Tufuga mo e saiene mooli.”

Awake! Aug.

Ka feleveia mo e fuata mui, liga pehē a koe: “Tokologa he atu haau kua mamahi ha ko e tau uta tala ekefakakelea. Kua tupu nakai e mena ia ki a koe? [Fakaatā ma e tali.] Kua foaki he Tohi Tapu e fakatonuaga mitaki ke maeke ke lagomatai a tautolu kaeke kua lauia he uta tala. Kua fakakite foki e puhala ke maeke ia tautolu ke kalo fakamamao mai he uta tala ekefakakelea.” Fakakite e vala tala ne kamata he lau 12, ti totou taha e kupu tohi mai he vala tala.

Ko e Kolo Toko Sepe. 1

“Tokologa ne logona hifo kua foaki he ‘Maveheaga Tuai’ e tau vala tala aoga ke he fakamauaga tuai. Ka e manamanatu a lautolu kua aoga nakai e tau takitakiaga i loto ma e vahā nei. Ko e heigoa e manatu haau? [Fakaatā ma e tali. Ti totou Roma 15:4.] Kua fakakite he mekasini nei e puhala kua foaki he ‘Maveheaga Tuai’ e fakatonuaga aoga ma e moui ha tautolu he tau aho takitaha mo e amaamanakiaga mooli ma e vahā anoiha.”

Awake! Sept.

“Manatu nakai a koe ko e tau matematekelea tupu pauaki ko e tau gahua he Atua? [Fakaatā ma e tali. Ti totou Teutaronome 32:4.] Kua kumikumi he mekasini nei e kakano ne fakaatā he Atua e tau matematekelea tupu pauaki ke tutupu. Kua fakakite foki e puhala ke puipui e magafaoa haau.”